ଶକ୍ତି କ୍ଷେତ୍ରରେ ଭାରତକୁ ଶକ୍ତିଶାଳୀ କରୁଥିବା ରାଜ୍ୟ ଭାବେ ଗଣା ହେବ ଓଡିଶା । ଜଳ,ସୌର ଓ ବାୟୁ ରୁ ଶକ୍ତି ଉତ୍ପାଦନ କ୍ଷେତ୍ରରେ ନୂଆ ପରିଚୟ ସୃଷ୍ଟି କରିବାକୁ ଯାଉଛି ଓଡ଼ିଶା । ଗ୍ଲୋବାଲ ଏନର୍ଜି ଲିଡର ସମ୍ମିଳନୀରେ ଶକ୍ତି ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି, ମହାପ୍ରଭୁଙ୍କ ନିର୍ଦ୍ଦେଶରେ ସବୁ କିଛି ସଫଳ ହେବାକୁ ଯାଉଅଛି । ଗ୍ରୀନ ଏବଂ କ୍ଲିନ୍ ଏନର୍ଜି କ୍ଷେତ୍ରରେ ଆଗକୁ ବଢୁଛି ଓଡ଼ିଶା । ୨୦୦ ଜିଗା ୱାଟ ସୌର ଶକ୍ତି ଉତ୍ପାଦନ କରି ଓଡିଶା ଆଣିଛି ନୂଆ ସମ୍ଭାବନା ।

୨୦୧୬ ପୂର୍ବରୁ ବିଜୁଳି ଯୋଗାଇବା ଯେଉଁ ଚ୍ୟାଲେଞ୍ଜ ଥିଲା ତାହା ଏବେ ତାହା ବଦଳିଛି । ଗୋଟିଏ ଟେରାୱାଟ୍ ଉତ୍ପାଦନ ପାଇଁ ଯେଉଁଠି ୭୦ ବର୍ଷ ଲାଗିଥିଲା ଏବେ ଦୁଇ ବର୍ଷରେ ଦେଶରେ ୨ହଜାର ଜୀଗା ୱାଟ ଶକ୍ତି ଉତ୍ପାଦିତ ହୋଇ ପାରୁଛି । ଦେଶରେ ୨୦୧୪ ରେ ୧୧୬୮ ଆରବ ୟୁନିଟ ଉତ୍ପାଦନ ହୋଇଥିବା ବେଳେ ଏବେ ତାହା ୧୮୨୪ ଆରବ ୟୁନିଟ ରେ ପହଞ୍ଚିଛି । ଶକ୍ତି କ୍ଷେତ୍ରରେ ଆତ୍ମ ନିର୍ଭର ହୋଇଛି ଭାରତ । ଗ୍ଲୋବାଲ installed ସୋଲାର କାପାସିଟି କ୍ଷେତ୍ରରେ ୧୧ ବର୍ଷ ଭିତରେ ୨.୮ ଜିଗା ୱାଟ ରୁ ୧୩୦ ଜିଗା ୱାଟ କ୍ଷମତା ପର୍ଯ୍ୟନ୍ତ ପହଞ୍ଚି ପାରିଛି । ଯାହା ସୌର ଶକ୍ତି ଉତ୍ପାଦନରେ ବିଶ୍ବରେ ତୃତୀୟ ।

ଅନ୍ୟପଟରେ ସୌର, ଜଳ, ବାୟୁ ରୁ ଶକ୍ତି ଉତ୍ପାଦନ କ୍ଷେତ୍ରରେ ନୂଆ ସମ୍ଭାବନା ଓ ନୂଆ ପରିଚୟ ସୃଷ୍ଟି କରିଛି ଓଡ଼ିଶା ପ୍ରଥମ କରି ସୁନ୍ଦରଗଡ଼ରେ ହେବାକୁ ଯାଉଛି କୋଲ୍ ଗ୍ୟାସିଫିକେଶନ ପ୍ରକଳ୍ପ । ଏଥିପାଇଁ ଖର୍ଚ୍ଚ ହେବ ୮୦ ହଜାର କୋଟି । ପୋର୍ଟ ବେସଡ ଏନର୍ଜି ପାଇଁ ଦିଆଯାଇଛି ଫୋକସ୍। ପାରାଦୀପରେ ହେବାକୁ ଯାଉଛି ଗ୍ରୀନ କରିଡ଼ର । ଗ୍ରୀନ ଓ କ୍ଲିନ୍ ଏନର୍ଜି କ୍ଷେତ୍ରରେ ବୃହତ୍ ଅବଦାନ ରଖି ଭାରତକୁ ଶକ୍ତିଶାଳୀ କରୁଥିବା ରାଜ୍ୟ ଭାବରେ ପରିଗଣିତ ହେବାକୁ ଯାଉଛି ଓଡ଼ିଶା । ପ୍ରଧାନମନ୍ତ୍ରୀଙ୍କ ୨୦୭୦ ନେଟ ଜିରୋ ମିଶନରେ ଓଡ଼ିଶା ହେବ ନୂଆ ଶକ୍ତି,ନୂଆ ସମ୍ଭାବନା । ଉପକୂଳବର୍ତ୍ତୀ ଅଞ୍ଚଳରେ ବାୟୁରୁ ଶକ୍ତି ଉତ୍ପାଦନ ଉତ୍ସ ପାଇଁ ଦିଆଯିବ ଫୋକସ । ଗ୍ରୀନ ହାଇଡ୍ରୋଜେନ୍ ହବ୍ ହେବ ଓଡିଶା ।

୫୭୫ କିଲୋମିଟର ବ୍ୟାପ୍ତ ବେଳାଭୂମି ଓଡ଼ିଶା ପାଇଁ ଆଣିଦେବ ପ୍ରଚୁର ସମ୍ଭାବନା । ଆଜିର ସମ୍ମିଳନୀରେ ବିକଶିତ ଭାରତରେ ଶକ୍ତି ଉତ୍ସର ଭିଜନ କୁ ଲକ୍ଷ୍ୟରେ ରଖି ଉଦ୍ଘାଟିତ ହୋଇଛି ବ୍ରୋଚର୍। ତିନି ଧରି ଚାଲିବ ଏହି ସମ୍ମିଳନୀ ଯୋଗଦେବେ ୫ ରାଜ୍ୟର ମୁଖ୍ୟମନ୍ତ୍ରୀ ।

ଅଧିକ ପଢ଼ନ୍ତୁ ଓଡ଼ିଶା ଖବର...