କେନ୍ଦ୍ରାପଡ଼ା ଆଳି ଥାନା ଭୂଇଁପୁର ତାରିଣୀ ଛକ ନିକଟରେ ଦୁଇ ଦିନ ତଳେ ମିଳିତ ଚଢ଼ାଉ କରିଥିଲେ ଆଳି ଆଳି ତହସିଲ, ପୋଲିସ ଓ ଖଣି ବିଭାଗ। ୨ଟି ଟ୍ରାକ୍ଟର ଓ ଗୋଟିଏ ହାଇୱା ଜବତ କରାଯାଇଛି। ବୌଦ୍ଧରୁ ନେଇ ସୁନ୍ଦରଗଡ଼, ରାୟଗଡ଼ାରୁ ନେଇ ଭଦ୍ରକ, ସବୁଠି ଆକ୍ସନ ଲଘୁ ଖଣିଜ ମାଫିଆଙ୍କୁ ସାବାଡ଼ କରିବାକୁ ଅଣ୍ଟା ଭିଡ଼ିଛି ପ୍ରଶାସନ ।

ବେଆଇନ ବାଲି, ମୋରମ ଚାଲାଣ ଉପରେ ରୋକ ଲଗାଇବା ପାଇଁ ରାଜ୍ୟ ପୋଲିସ ସ୍ବତନ୍ତ୍ର ଅଭିଯାନ ଆରମ୍ଭ କରିଛି । ଶନିବାର ମୋଟ 81 ମାମଲା ରୁଜୁ କରିବା ସହ 117ଟି ବାଲି, ମୋରମ ବୋଝେଇ ଗାଡି ଜବତ ହୋଇଥିଲା,ଗିରଫ ହୋଇଥିଲେ 88 ଜଣ। ସେହିପରି ଗତକାଲି ରବିବାର ଦିନସାରା ରାଜ୍ୟର ବିଭିନ୍ନ ସ୍ଥାନରେ ଜାରି ରହିଥିଲା ରେଡ୍। ସକାଳୁ ରାତି ପର୍ଯ୍ୟନ୍ତ ବିଭିନ୍ନ ଜିଲ୍ଲାରେ ଚୋରା ବାଲିଘାଟ ଉପରେ ଚଢ଼ାଉ କରି 136 ଟି ବାଲି ବୋଝେଇ ଗାଡ଼ି ଜବତ କରାଯାଇଛି। ଏହା ସହ 119 ଟି ମାମଲା ରୁଜୁ କରାଯାଇଥିବା ବେଳେ 123 ଜଣ ବ୍ୟକ୍ତିଙ୍କୁ ଗିରଫ କରାଯାଇଛି ।

ବେଆଇନ ଲଘୁ ଖଣିଜ ଚାଲାଣ ଥିଲା ବିଜେଡିର ସବୁଠୁ ବଡ଼ ହାତ ପାଣ୍ଠି । ସ୍ଥାନୀୟ ଅଞ୍ଚଳରେ ଆର୍ଥିକ ଆଧିପତ୍ୟ ବିସ୍ତାର କରିଥିଲେ ଚାଲାଣକାରୀ । ଯୁବ ଗୋଷ୍ଠୀଙ୍କୁ କରୁଥିଲେ ଅପବ୍ୟବହାର । ଦଳକୁ କଣ୍ଟ୍ରୋଲ କରିବାକୁ ମାଧ୍ୟମ ଥିଲେ ଯୁବଗୋଷ୍ଠୀ। ଏବେ ଓଡିଶା ପୋଲିସର ସ୍ପେଶାଲ ଡ୍ରାଇଭ ମାଫିଆଙ୍କ ନିଦ ହଜାଇ ଦେଇଛି ।