ବିଜେଡି ସରକାର ସମୟରେ ରାଜ୍ୟରେ ଦୁର୍ନୀତି ଓ ଭ୍ରଷ୍ଟାଚାର ଥିଲା ଚରମ ସୀମାରେ । ଦୁର୍ନୀତିର ଚେର ଶାସନ ଓ ପ୍ରଶାସନ କୁ ଏମିତି କବଳିତ କରିଥିଲା ଯେ ଏବେ ପର୍ଯ୍ୟନ୍ତ ବି ତାର ପ୍ରଭାବ ଦେଖିବାକୁ ମିଳୁଛି । ଖୋଳତାଡ଼ ଯେତେ ହେଉଛି ସେତେ ଦୁର୍ନୀତିର ଗୁମର ଫିଟୁଛି । ଲୋକସଭାର ତଥ୍ୟ କହୁଛି ଗତ ତିନି ବର୍ଷରେ ଓଡିଶାରେ ପ୍ରାୟ ଦେଢ଼ ଲକ୍ଷ ଫେକ ଜବକାର୍ଡ ବାଦ ଦିଆଯାଇଛି । ୨୦୨୨-୨୦୨୩ ରେ ୧ ଲକ୍ଷ ୧୪ ହଜାର ୪୫୪ ଫେକ ଜବ୍ କାର୍ଡ, ୨୦୨୩-୨୪ରେ ୨୨ ହଜାର ୨୬୪ ଓ ୨୦୨୪-୨୫ରେ ୭ ହଜାର ୫୬୬ଟି ଫେକ୍ ଜବ କାର୍ଡ ବାଦ ଦିଆଯାଇଛି । ଏ ତଥ୍ୟକୁ ଦେଇ ନିଜ ଅଞ୍ଚଳର ଫେକ ଜବକାର୍ଡର ଉଦାହରଣ ଦେଇ ପୂର୍ବ ସରକାରକୁ ଘେରିଛନ୍ତି ଯାଜପୁର ସାଂସଦ ।

ଲୋକଙ୍କ ପାଖରେ ଜବ କାର୍ଡ ଥାଇ କାମ ମିଳୁ ନ ଥିଲା...ବର୍ଷ ବର୍ଷ ଧରି ଏମତି ଚାଲି ଆସୁଥିଲା...ଜାଲ ଜବକାର୍ଡ ପ୍ରସ୍ତୁତ କରି ଦୁର୍ନୀତିଖୋର ବାବୁ ଓ ଠିକାଦର ଲୁଟଥିଲେ ଲୋକଙ୍କ ଟଙ୍କା.. ଯାହାର ପ୍ରମାଣ କିଛି ଦିନ ତଳେ ଗ୍ରାଉଣ୍ଡ ଜିରୋରେ ଧରିଥିଲେ ମନ୍ତ୍ରୀ ।

ସଂସଦ ରେ ଓଡ଼ିଶାକୁ ନେଇ ଏଭଳି ତଥ୍ୟ ଆସିବା ପରେ ବିଜେଡି ଓ ବିଜେପି ମଧ୍ୟରେ ଦେଖା ଦେଇଛି ରାଜନୈତିକ ଆରୋପ ଓ ପ୍ରତ୍ୟରୋପ ।

ଚାଲିଥିବା ଜବକାର୍ଡ ଫ୍ରଡ଼ ଖୋଳତାଡ଼କୁ ନେଇ ରାଜ୍ୟ ସରକାର କେଉଁ ବଡ଼ ଅଧିକାରୀଙ୍କ ଉପରେ କି ଆକ୍ସନ ନେଉଛନ୍ତି ତାହା ଉପରେ ସମସ୍ତଙ୍କ ନଜର ରହିଛି ।