ଭୁବନେଶ୍ଵର: ଘରହୀନଙ୍କ ଲାଗି ବଡ଼ ଖବର । ପ୍ରଧାନମନ୍ତ୍ରୀ ଆବାସ ଲାଗି ଆରମ୍ଭ ହେବ ସର୍ଭେ । ଆସନ୍ତା ୨୪ ତାରିଖରୁ ଆବାସ ଲାଗି ସର୍ଭେ ଆରମ୍ଭ ହେବ । ଉଭୟ ଅଫଲାଇନ୍ ଏବଂ ଅନଲାଇନରେ ଆବେଦନ କରିପାରିବେ ହିତାଧିକାରୀ । ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାୟକ ଏହି ସୂଚନା ଦେଇଛନ୍ତି ।

ଆସନ୍ତା ୨୪ ତାରିଖରେ ରାଜ୍ୟ ସରକାର ବିଧିବଦ୍ଧ ବାବେ ଆବାସ ପୋର୍ଟାଲର ଶୁଭାରମ୍ଭ କରିବେ । ଦେଢ଼ରୁ ୨ ମାସ ଧରି ଚାଲିବ ଆବାସ ସର୍ଭେ । ଏଥିପାଇଁ ବିଭାଗ ସମ୍ପୂର୍ଣ୍ଣ ପ୍ରସ୍ତୁତ ଥିବା କହିଛନ୍ତି ପଞ୍ଚାୟତିରାଜ ମନ୍ତ୍ରୀ । ଅନଲାଇନ୍ ସହ ଲୋକେ ପଞ୍ଚାୟତ ଗୁଡ଼ିକରେ ଅଫଲାଇନରେ ଆବେଦନ କରି ପାରିବେ । ଏଥିପାଇଁ ବିଭାଗ ପକ୍ଷରୁ ପଞ୍ଚାୟତ ଗୁଡ଼ିକରେ ପଲ୍ଲୀ ସଭା ମାଧ୍ୟମରେ ସଚେତନ କରାଯାଇଛି ।

କେନ୍ଦ୍ର ସରକାର ଆବାସ ସଂଖ୍ୟା ୨କୋଟିରୁ ୩ କୋଟିକୁ ବଢ଼ାଇଛନ୍ତି । ଫଳରେ ଓଡ଼ିଶାକୁ ଅଧିକ ଆବାସ ମିଳିବା ନେଇ ଆଶା ରହିଛି । କେନ୍ଦ୍ର ସରକାର ମଧ୍ୟ ନିୟମା ବଳୀକୁ କୋହଳ କରିଛନ୍ତି । ବାଇକ, ଫ୍ରିଜ୍ ଥିଲେ ମଧ୍ୟ ଆବାସ ଲାଗି ଆବେଦନ କରିପାରିବେ ।

ମନ୍ତ୍ରୀଙ୍କ ଅନୁସାରେ, ଆବାସରୁ କାହାକୁ ବଞ୍ଚିତ ହେବାକୁ ଦିଆଯିବ ନାହିଁ । ବାପଠୁ ପୁଅ ଭିନ୍ନ ହୋଇଥିଲେ ବି ଆବେଦନ କରି ପାରିବେ । ସ୍ୱାମୀ ଠାରୁ ଅଲଗା ରହୁଥିବା ମହିଳା ମଧ୍ୟ ଆବାସ ଲାଗି କରି ପାରିବେ ଆବେଦନ । ପୂର୍ବରୁ ଆବେଦନ କରି ଅପେକ୍ଷାରେ ଥିବା ଲୋକ ପୁଣି ଥରେ ନୂଆ ଆବେଦନ କରିବାକୁ ହେବ । ଦୁଇ ମାସ ଭିତରେ ସର୍ଭେ ପ୍ରକ୍ରିୟା ସାରିବାକୁ ଲକ୍ଷ୍ୟ ରଖିଛନ୍ତି ସରକାର ।

Argus News | argus news | Odisha Latest News, Breaking News, Trending News, Live TV