ଅର୍ଗସ ବ୍ୟୁରୋ: ଓଡ଼ିଶା ମୁହାଁ ହେବେ ନିବେଶକାରି ବା ପୁଞ୍ଜିପତି। ରାଜ୍ୟକୁ ଆସିବ ବିପୁଳ ଶିଳ୍ପ ଓ ପୁଞ୍ଜି । ସିଙ୍ଗାପୁରରୁ ଓଡ଼ିଶା ପାଇଁ ନିବେଶକାରୀଙ୍କୁ ଆକୃଷ୍ଟ କରିବା ପାଇଁ ଛଅ ଦିନିଆ ସିଙ୍ଗାପୁର ଗସ୍ତରେ ଯିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ହଟିବ ବେକାରୀ ସମସ୍ୟା, ସୃଷ୍ଟି ହେବ ନିଯୁକ୍ତିର ଗନ୍ତାଘର। ପାରାଦୀପରୁ ରାଜ୍ୟବାସୀଙ୍କୁ ଖୁସି ଖବର ଦେଲେ ମୁଖ୍ୟମନ୍ତ୍ରୀ । ଆସନ୍ତାକାଲିଠାରୁ ଏହି ଗସ୍ତରେ ବାହାରିବେ ସିଏମ୍ । ଉତ୍କର୍ଷ ଓଡ଼ିଶା ମେକ୍-ଇନ୍‌ ଓଡ଼ିଶା କାର୍ଯ୍ୟକ୍ରମ ପାଇଁ ସିଙ୍ଗାପୁରରେ ଶିଳ୍ପପତି ତଥା ପୁଞ୍ଜି ନିବେଶକାରୀଙ୍କୁ ଭେଟିବେ। ରାଜ୍ୟକୁ କେଉଁ ଭଳି ଶିଳ୍ପ ଓ ପୁଞ୍ଜି ନିବେଶକାରୀ ଓଡ଼ିଶାରେ ବିନିଯୋଗ କରିବେ, ସେଥିପାଇଁ ହେବ ଆଲୋଚନା । ତା ସହ ସିଙ୍ଗାପୁରର କିଛି ଶିଳ୍ପ ଅଞ୍ଚଳ କରିପାରନ୍ତି ପରିଦର୍ଶନ। ସିଙ୍ଗାପୁର ଉପ ପ୍ରଧାନମନ୍ତ୍ରୀ, ଶିଳ୍ପମନ୍ତ୍ରୀ, ବୈଦେଶିକ ବ୍ୟାପାର ମନ୍ତ୍ରୀଙ୍କ ସହ ରାଷ୍ଟ୍ରଦୂତଙ୍କୁ ବି ଭେଟିବାର କାର୍ଯ୍ୟକ୍ରମ ଥିବା ସୂଚନା। ଏହି ଗସ୍ତ ସମୟରେ ମୁଖ୍ୟମନ୍ତ୍ରୀଙ୍କ ସହ ଶିଳ୍ପମନ୍ତ୍ରୀ ଓ ଅନ୍ୟାନ୍ୟ ମନ୍ତ୍ରୀଙ୍କ ସମତେ ବରିଷ୍ଠ ଅଧିକାରୀ ସାମିଲ ହେବେ।.... ସେହିପରି ପାରାଦୀପରେ ୨ ଲକ୍ଷ କୋଟି ଟଙ୍କା ନିବେଶ ନେଇ ବଡ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ।