ହାତୀ ଆକ୍ରମଣରେ ମହିଳା ଗୁରୁତର । ମୋରଡା ଥାନା ଅସ୍ତିଆ ନିକଟରେ ଏକ ହାତୀ ହଠାତ ରାସ୍ତା ଉପରକୁ ଆସି ଆକ୍ରମଣ କରିଥିଲା । ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ଗାଁଅମର୍ଦାରୁ ବାରିପଦା ଚିପଟ ଅସ୍ତିଆକୁ ଫେରୁଥିବା ବେଳେ ଅଟୋକୁ ଆକ୍ରମଣ କରିଥିଲା ହାତୀ । ଅଟୋରେ ମହିଳାଙ୍କ ସମେତ ୮ଜଣ ଲୋକ ବସିଥିଲେ । ସମସ୍ଥେ ଅଟୋରୁ ବାହାରି ପଳାଉଥିବା ବେଳେ ମହିଳା ଜଣକ ହାତୀ ଆକ୍ରମଣର ଶିକାର ହୋଇଥିଲେ । ଗୁରୁତର ମହିଳା ବାରିପଦା ଚିପଟ ଅସ୍ତିଆର ରୀନା ନାୟକ । ଘଟଣାସ୍ଥଳରେ ମୋରଡା ପୋଲିସ ଏବଂ ସ୍ଥାନୀୟ ଲୋକେ ପହଞ୍ଚି ମହିଳାଙ୍କୁ ଉଦ୍ଧାର କରି ନିକଟସ୍ଥ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ ।

ଅଟୋରେ ଥିବା ଅନ୍ୟମାନଙ୍କ ମଧ୍ୟରେ ୩ଜଣ ଆହତ ହୋଇଛନ୍ତି ।ବାରମ୍ୱାର ଏଭଳି ଘଟଣା ଘଟୁଥିବାବେଳେ ଏନେଇ ଦୃଢ଼ କାର୍ଯ୍ୟାନୁଷ୍ଠାନ ଆବଶ୍ୟକ ହୋଇପଡ଼ୁଛି। ହାତୀପଲ କେତେବେଳେ କାହାକୁ ଆକ୍ରମଣ କରୁଥିବାବେଳେ ପୁଣି କେବେ କେବେ ଫସଲ ନଷ୍ଟ କରୁଥିବା ଦୃଶ୍ୟ ସାମ୍ନାକୁ ଆସୁଛି।