ଶୁକ୍ରବାର ଭୁବନେଶ୍ବରରେ ଔପଚାରିକ ଭାବେ ଲଞ୍ଚ ହୋଇଛି ଓଡ଼ିଶା ସରକାର ଓ ସିଙ୍ଗାପୁରର ଗ୍ଲୋବାଲ ଫାଇନାନସିଆଲ ଟେକ୍ନୋଲଜି ନେଟଓ୍ବାର୍କ-GFTNର ମିଳିତ ଉଦ୍ୟମରେ ଭାରତ ନେତ୍ର-ONE VISION, ONE FINANCE, ONE FUTURE ।

କାର୍ଯ୍ୟକ୍ରମରେ ଉପସ୍ଥିତ ଅଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଗ୍ଲୋବାଲ ଫାଇନାନସିଆଲ ଟେକ୍ନୋଲଜି କାପାସିଟି ହବ-I-GFTCH ଶୁଭ ଉନ୍ମୋଚନ ହୋଇଛି । ଏହା ଭାରତ ସହ ଏସିଆ ପାସିଫିକ ଇନୋଭେସନ କରିଡରକୁ ଯୋଡିବ । ଲଞ୍ଚିଂ ସେରିମନିରେ ଉପସ୍ଥିତ ରହିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝି , କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏଥିସହ ଆଇଟି ମନ୍ତ୍ରୀ ମୁକେଶ ମହାଲିଙ୍ଗ ଏବଂ ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୁରଜ । ବିଶ୍ବ ଏବଂ ଭାରତର ଶିଳ୍ପଜଗତର ଲିଡରମାନଙ୍କୁ ଏକାଠି ହେବାର ଦେଖିବାକୁ ମିଳିବ ।

ଜାନୁଆରୀ ୨୦୨୫ରେ ସିଙ୍ଗାପୁରର ରାଷ୍ଟ୍ରପତି ଥରମାନ ସନମୁଗରତ୍ନମ ଭୁବନେଶ୍ବର ଗସ୍ତରେ ଆସିଥିଲେ । ଏହି ସମୟରେ ବିଶ୍ଵ ଦକ୍ଷତା କେନ୍ଦ୍ର ପରିସରରେ ଓଡ଼ିଶା ଓ ସିଙ୍ଗାପୁରର ମଧ୍ୟରେ ୮ MOU ସ୍ବାକ୍ଷର ହୋଇଥିଲା । ଓଡ଼ିଶାରେ ଆର୍ଥିକ ଓ ପ୍ରଯୁକ୍ତିଗତ ପରିଚାଳନାର ସୁଦୃଢ଼ୀକରଣ ପାଇଁ ରାଜ୍ୟ ବିଜ୍ଞାନ ତଥା ସୂଚନା ଓ ପ୍ରଯୁକ୍ତି ବିଭାଗ ସହ ସିଙ୍ଗାପୁରର GFTN ସହ ହୋଇଥିଲା MOU ।