ଡ୍ରାଇଭର ଆନ୍ଦୋଳନ ଯୋଗୁଁ ତୈଳ ପରିବହନ ପ୍ରଭାବିତ । ଦୁଇ ଦିନ ହେଲା ଟାଙ୍କିକୁ ଆସୁନାହିଁ ପେଟ୍ରୋଲ ଡିଜେଲ ଗାଡି । ଟାଙ୍କିକୁ ଗାଡି ନ ଆସିଲେ ଆଜିଠୁ ଦେଖା ଦେଇପାରେ ତୈଳର ଅଭାବ। ଅନେକ ପେଟ୍ରୋଲ ଟାଙ୍କିରେ ଖାଲି ହୋଇଯିବ ପେଟ୍ରୋଲ ଡିଜେଲ । ପାରାଦ୍ୱୀପ, ବାଲେଶ୍ୱର, ଜଟଣୀ, ଝାରସୁଗୁଡାର ତେଲ ଡିପୋରେ ଧର୍ମଘଟ ଜାରି ରହିଲେ ତୈଳ ପରିବହନ ପାଇଁ ହସ୍ତକ୍ଷେପ କରିବେ ଜିଲ୍ଲା ଏସପି । ଭାରତ ବନ୍ଦ ଡାକରା ଯୋଗୁଁ ଭୁବନେଶ୍ୱରରେ ବନ୍ଦ ରହିଛି ପେଟ୍ରୋଲ ଟାଙ୍କି ।

ଡ୍ରାଇଭର ସଂଘର ଆନ୍ଦୋଳନରେ ହନ୍ତସନ୍ତ ଲୋକେ। ଗନ୍ତବ୍ୟ ସ୍ଥଳକୁ ଯିବାକୁ ଅସୁବିଧାର ସମ୍ମୁଖୀନ ହେଉଛନ୍ତି ସାଧାରଣ ଜନତା । ରାଜ୍ୟବ୍ୟାପୀ ପରିବହନ ବ୍ୟବସ୍ଥା ଏକ ପ୍ରକାର ଠପ୍ ହୋଇଛି । ବସଷ୍ଟାଣ୍ଡଠାରୁ ଆରମ୍ଭ କରି ରାସ୍ତାରେ ଘଣ୍ଟା ଘଣ୍ଟା ଧରି ଅପେକ୍ଷାରତ ଯାତ୍ରୀ । ସେପଟେ ସରକାରଙ୍କ ସହ ଆଲୋଚନା ହୋଇ ନ ପାରିବାରୁ ଆଜି ଆହୁରି ଜୋରଦାର ହେବ ଓଡିଶା ଡ୍ରାଇଭର ମହାସଂଘ ଧାରଣା l ସରକାରଙ୍କ ପକ୍ଷରୁ ଆଲୋଚନା ପାଇଁ ଡାକରା ହୋଇଥିଲା l ପରିବହନ କମିଶନ ଓ ସେକ୍ରେଟାରୀ ଉପସ୍ଥିତ ଥିଲେ କିନ୍ତୁ ମନ୍ତ୍ରୀ ଅନୁପସ୍ଥିତ ଥିବାରୁ ଠିକ ଭାବରେ ଆଲୋଚନା ହୋଇପାରି ନାହିଁ । ଯାହାଫଳରେ ଆଜି ମଧ୍ୟ ଶାନ୍ତି ଶୃଙ୍ଖଳାର ସହ ଧାରଣା ଦେବୁ l ଯେଉଁ ପର୍ଯ୍ୟନ୍ତ ସରକାର ଦାବୀ ନ ଶୁଣନ୍ତି ଧାରଣା ଚାଲୁ ରହିବ ବୋଲି କହିଛି ଡ୍ରାଇଭର ସଙ୍ଘ ।