ନୂଆପଡା: ନନ୍ଦନକାନନ ଯିବ ରକ୍ତମୁଖା ମଣିଷ ଖିଆ କଲରାପତରିଆ ବାଘ । ବନବିଭାଗ ଦ୍ଵାରା କାବୁ ହୋଇଥିବା ବାଘ ନନ୍ଦନକାନନ ଯିବ ବୋଲି ସୂଚନା ଦେଇଛନ୍ତି ପ୍ରାଣୀ ସମ୍ପଦ ଉପନିର୍ଦେଶକ ଏବଂ ଖଡ଼ିଆଳ ବନଖଣ୍ଡ ଅଧିକାରୀ ସୁଶିଲ ତ୍ରିପାଠୀ । ତେବେ ଏହାରି ଭିତରେ ଲୋକଙ୍କୁ ଟିକେ ଆସ୍ୱସ୍ତି ମିଳିଥିବାବେଳେ ପୁଣି ଏକ ବାଘ ଆତଙ୍କ ଦେଖିବାକୁ ମିଳିଛି ।

5 ଦିନ ଧରି ଆତଙ୍କ ଖେଳାଇଥିଲା ରକ୍ତମୁଖା ମଣିଷଖିଆ ବାଘ

କୋଦୋପାଲି ଗାଁ ରୁ ଗୋଟିଏ ବାଘ କୁ କାବୁ କରିଥିବାବେଳେ ବର୍ତ୍ତମାନ ସେହି ଗାଁ ନିକଟରେ ପୁଣି ଦେଖା ଦେଇଛି ଆଉ ଏକ ବାଘ । ବାଘକୁ ଦେଖି ଗାଁ ଲୋକେ ଏବେ ଭୟଭୀତ ଅବସ୍ଥାରେ ଅଛନ୍ତି । ଘଟଣାସ୍ଥଳରେ ବନ ବିଭାଗର କର୍ମଚାରୀମାନେ ପହଞ୍ଚି ଅଧିକ ତଦନ୍ତ କରିବା ସହ ପଇଁତରା ମାରୁଥିବା ଦେଖିବାକୁ ମିଳିଛି ।

୫ଦିନ ପରେ ବାଘକୁ କାବୁ କରିଛି ବନବିଭାଗ

ସେପଟେ କାବୁ ହୋଇଥିବା ବାଘର ସ୍ବାସ୍ଥ୍ୟବସ୍ଥା ଠିକ୍ ଥିବାବେଳେ ବାଘକୁ ଖାଇବାକୁ ଦିଆଯାଇଛି । ଏବଂ ବାଘଟି ନନ୍ଦନକାନନକୁ ସ୍ଥାନାନ୍ତର କରାଯିବ ବୋଲି ସୂଚନା ଦେଇଛନ୍ତି ବନଖଣ୍ଡ ଅଧିକାରୀ । ପାଞ୍ଚ ଦିନ ହେବ ନୂଆପଡ଼ା ଜିଲ୍ଲାରେ ଆତଙ୍କ ସୃଷ୍ଟି କରିଥିଲା ଏହି କଲରାପତରିଆ ବାଘ ।

ଗୋଧସପଡ଼ାର ଗୋଟିଏ ନାବାଳକକୁ ଘର ଅଗଣାରୁ ଟେକି ନେଇ ଶିକାର କରିଥିଲା । ପରେ ଜଣେ ଧରମବନ୍ଧା ପଞ୍ଚାୟତ କୋଦୋପାଳି ଗାଁର ମହିଳାକୁ ଶିକାର କରିଥିଲା । ସେହିପରି କିଛି ଘଣ୍ଟା ପରେ ଆଠ ବର୍ଷର ପୁଅକୁ ମଧ୍ୟ ଟେକି ନେଇଥିଲା ବାଘ ।

ଶନିବାର ବିଳମ୍ବିତ ରାତିରେ ବନବିଭାଗର ଏକ ଟିମ୍ ଗାଁ କୁ ଯାଇ ବାଘଟିକୁ କାବୁ କରିଥିଲେ । ବର୍ତ୍ତମାନ ବାଘ ସୁସ୍ଥ ଥିବାବେଳେ ନନ୍ଦନକାନନକୁ ନିଆଯିବ ବୋଲି ସୂଚନା ଦେଇଛନ୍ତି ପ୍ରାଣୀ ସମ୍ପଦ ବିଭାଗ ଉପନିର୍ଦ୍ଦେଶକ ପାର୍ଥସାରଥୀ ଦୋରା ।

Argus News | argus news | -Argusnews Home: Odisha Latest News, Breaking News, Trending News, Live TV and more