ରାଜଧାନୀରେ ଅନଲାଇନ ଗେମ ଖେଳିବାକୁ ଚୋରୀ। ଟାର୍ଗେଟ ରେ ଥିଲେ ଛୋଟ ଛୋଟ ଛୁଆ।  ଚକଲେଟ ଦେଇ ଭଣ୍ଡାଉଥିଲେ,ଛୁରୀ ଦେଖାଇ ଭୟବିତ କରୁଥିଲା ।  ଛୁଆଙ୍କ ବେକରୁ ଲୁଟ କରୁଥିଲା ସୁନା ଚେନ ଆଉ ଲକେଟ। ଗୋଟେ ଦିନରେ 3 ଜଣ ଛୁଆଙ୍କ ବେକରୁ ଲୁଟ | ଅଭିଯୋଗ ପରେ ବନ୍ଧା ହେଲା ଅଭିଯୁକ୍ତ | ଏଭଳି ଘଟଣା ଘଟିଛି ସାଲିଆ ସାହି ମଙ୍ଗଳାନଗର ବସ୍ତିରେ | ଦୁଇ ବର୍ଷର ଜଣେ ଛୁଆ ଘର ବାହାରେ ଖେଳୁଥିବା ବେଳେ ଅଭିଯୁକ୍ତ ଯୁବକ ତାଙ୍କ ବେକରୁ ଲକେଟ ନେଇ ଚମ୍ପଟ ମାରିଥିଲେ। ଏକ ଧାରୁଆ ଛୁରୀ ରେ ଲକେଟ କୁ କାଟି ଛୁ ମାରିଥିଲା | କେବଳ ଗୋଟେ ଘଟଣା ନୁହେଁ ସେହି ଦିନ ତାରିଣୀ ନଗର ବସ୍ତିରେ ମଧ୍ୟ ଜଣେ ଦେଢ଼ ବର୍ଷର କୁନି ଝିଅ ଠାରୁ ସୁନା ଚେନ, ଲକେଟ ସାଙ୍ଗକୁ ରୁପା ଡେଉଁରିଆ ଲୁଟିଥିଲା ଦୁବୁର୍ତ୍ତ | ପ୍ରଥମେ ଯୁବକ ଜଣଙ୍କ ଘର ଭଡା ବାହାନା ରେ କୁନି ଝିଅ ମା ଙ୍କ ସହ କଥା ହୋଇଥିଲା | ଯେତେବେଳେ କୁନି ଝିଅ ଘର ବାହାରେ ଖେଳୁଥିଲା ତାକୁ ଚକଲେଟ ଦେଇ ଲୁଟ କରିଥିଲା | ଏନେଇ କୁନି ଝିଅ ର ମା ମୈତ୍ରୀବିହାର ଥାନାରେ ଅଭିଯୋଗ କରିଥିଲେ |

ସମାନ ଧରଣର ଲୁଟ ନେଇ ଦୁଇଟି ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଥିଲା । ଅଭିଯୁକ୍ତ କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ାଉ କରିଥିଲା । ଶନିବାର ପୋଲିସ ଖବର ପାଇଲା, ଜଣେ ଯୁବକ ସାଲିଆ ସାହି ନିକଟ ମହିଳା ଟାଙ୍କି ଅଞ୍ଚଳରେ ଥିବା ଏକ ସୁନା ଅଳଙ୍କାର ବିକ୍ରୟ କରିବାକୁ ଚେଷ୍ଟା କରୁଛି । ପୋଲିସ ସେ ସ୍ଥାନରେ ପହଂଚି ଯୁବକକୁ କାବୁ କରି ପଚରାଉଚରା ପରେ ସତ ସାମ୍ନାକୁ ଆସିଥିଲା । ଗିରଫ ଅଭିଯୁକ୍ତ ହେଲା, ତପନ କୁମାର ସେଠୀ। ତପନ ର ଘର ଗଞ୍ଜାମ ହୋଇଥିବା ବେଳେ ସେ ଖଣ୍ଡଗିରି ଅଂଚଳରେ ରହୁଛି । ଅଭିଯୁକ୍ତ ତପନ ପାଖରୁ ଲୁଟ ଚେନ, ଲକେଟ ଓ ଏକ ଛୁରୀ ଜବତ କରିଛି ପୋଲିସ।  ଅଭିଯୁକ୍ତ କୁ ଥାନାକୁ ଆଣି ଜେରା ବେଳେ ପୋଲିସ ଆଗରେ ଲୁଟ ପଛର ସତ ବଖାଣି ଥିଲା । ଘରୁ ଟଙ୍କା ଆଣି ଅନଲାଇନ୍ ଗେମ ଖେଳୁଥିଲା ଅଭିଯୁକ୍ତ ତପନ | ଡ୍ରିମ୍ ଇଲେଭେନ୍ ରେ ହାରିଗଲା ପ୍ରାୟ ଅଢେଇ କୋଟି ଟଙ୍କା | ପରିବାର ଲୋକେ ଟଙ୍କା ମାଗିବାରୁ ଲୁଟ୍ ଏବଂ ଛିନତାଇ କରିବାକୁ ଯୋଜନା କରିଥିଲା |

କେବେଠାରୁ ଏଭଳି ଅଭିନଵ ଉପୟରେ ଚୋରୀ କରୁଥିଲା ଅଭିଯୁକ୍ତ ତପନ | କେତେ ଛୁଆ ଙ୍କ ବେକରୁ ଲୁଟିଛି ସୁନା ଚେନ ଆଉ ଲକେଟ | ଅଧିକ ତଦନ୍ତ ପାଇଁଅଭିଯୁକ୍ତ କୁ ରିମାଣ୍ଡରେ ଆଣି ଜେରା କରାଯିବ ବୋଲି ପୋଲିସ କହିଛି |