ଅପରେସନ ସାଇବର କବଚରେ ସମ୍ଵଲପୁର ପୋଲିସକୁ ମିଳିଲା ଵଡ ସଫଳତା । ୧୧୦ କୋଟି ଠକେଇ କାରବାରରେ ୨୦ ଜଣକୁ ଗିରଫ କଲା ପୋଲିସ । ୫ଜଣ  ମାଷ୍ଟର ମାଇଣ୍ତ ମଧ୍ୟ ଗିରଫ । ସେପଟେ ୩୨ ଜଣ କୁ ପୋଲିସ ହେବାଜତରେ ରଖି ଅଧିକ ତଦନ୍ତ ଚଲାଇଛି । ଆଗକୁ ଆହୁରୀ ତଥ୍ୟା ସାମ୍ନାକୁ ଆସିବ ।

ସମ୍ବଲପୁର ପୋଲିସ ର ଅପରେସନ ସାଇବର କବଚରେ ବଡ ସଫଲତା । ମ୍ୟୁଲ୍ ଆକାଉଣ୍ଟ ମାମଲାରେ ସମ୍ବଲପୁର ଜିଲ୍ଲାର ୧୪ ଟି ଥାନାରେ ୫୨ ଜଣ ଅଭିଯୁକ୍ତ ପୋଲିସ ଅଟକ ରଖିଛି । ଏଥିରୁ ୨୦ ଜଣଙ୍କୁ ଗିରଫ କରିଥିବା ବେଳେ ୫ ଜଣ ମାଷ୍ଟର ମାଇଣ୍ତ ମଧ୍ୟ ଗିରଫ ଅଛନ୍ତ। ସେହିପରି ୩୨ ଜଣଙ୍କୁ ପୋଲିସ ଅଟକ ରଖିବା ସହ ନୋଟିସ କରିଛି। ଏହି ଗ୍ୟାଙ୍ଗ ୧୪୦ ଟି ବ୍ୟାଙ୍କ ଆକାଉଣ୍ଟରେ ୨୦୨୪-୨୫ ଆର୍ଥିକ ବର୍ଷରେ ୧୧୦ କୋଟି ୩୦ ଲକ୍ଷ ୧୮ ହଜାର ୭୭୨ ଟଙ୍କାର କାରାବାର କରି ସାଇବର ଠକେଇ କରିଛନ୍ତି । ପୋଲିସ ଏହାର ଯାଞ୍ଚ ପରେ ବତ୍ତମାନ ଆକାଉଣ୍ଟ ଗୁଡିକୁ ଫ୍ରୀଜ କରିଥିବା ଜଣାପଡିଛି। ଏହି କାରାବାର ଜାଣିବା ପରେ ସମ୍ବଲପୁର ଏସପିଙ୍କ ନିଦ୍ଦେଶକ୍ରମେ ୧୪ ଟି ପୋଲିସ ଥାନାରେ ସ୍ଵତନ୍ତ୍ର ଟିମ କରି ଏହାର ଚଢାଉ କରିଥିଲେ ।

ଏହି ସିଣ୍ତିକେଟ ଠକ ମାନେ ପ୍ରଥମେ ଲୋକ ଙ୍କୁ ମୋଟ ଅଙ୍କର ଟଙ୍କା ଦେଇ ବ୍ୟାଙ୍କ ଆକାଉଣ୍ଟ ଖୋଲୁଥିଲେ । ପରେ ବ୍ୟାଙ୍କ ପାସବୁକ, ଏଟିଏମ କାର୍ଡ, ମୋବାଇଲ ସିମ କାର୍ଡ ନିଜ ହେବାଜତରେ ରଖୁଥିଲେ । ସାଇବର ଠକେଇ ନେଟଓ୍ବାର୍କ ଦ୍ବାରା ସାରା ଦେଶର ବିଭିନ୍ନ ରାଜ୍ୟରୁ ସିମ କାର୍ଡ ସହ ବ୍ୟାଙ୍କ କାଗଜ ପତ୍ର ହସ୍ତାନ୍ତର କରୁଥିଲେ । ଏମାନେ ଦିନକରେ ବିଭିନ୍ନ ବ୍ୟାଙ୍କରୁ ୩୦ ରୁ ଉଦ୍ଧ ବ୍ୟାଙ୍କ ଆକାଉଣ୍ଟ ଖୋଲିବା ସହ ଜଣକ ନାରେ ୫ ରୁ ଉଦ୍ଧ ଆକାଉଣ୍ଟ ରହିଛି । ସାଇବର ଠକେଇ କାରାବାର ଶେଷ ହେଲେ ସମ୍ପୁକ୍ତ ବ୍ୟାଙ୍କ ଆକାଉଣ୍ଟ କୁ ମଧ୍ୟ ବନ୍ଦ କରୁଥିବାରୁ ପୋଲିସ ସନ୍ଦେହ ଘେରକୁ ଆସିଥିଲା ।

ଏଭଲି ସାଇବର ଠକେଇ ମଧ୍ୟ ସାମିଥିବା ଅପରାଧି ମଧ୍ୟରେ କଲେଜ ଛାତ୍ର, ଦୋକାନୀ ଓ ବ୍ୟାଙ୍କ କର୍ମଚାରୀ ମଧ୍ୟ ସମ୍ପୁକ୍ତ ରହି ଗିରଫ ଥିବା ଜଣାପଡିଛି । ୩୨ ଜଣକୁ ଅଟକ ରଖି ପଚରାଉଚରା କରୁଥିବା ଵେଳେ ଗିରଫ ସଖ୍ୟା ବଢିଵା ସହ ଆହୁରୀ ତଥ୍ୟା ସାମ୍ନାକୁ ଆସିପାରେ ବୋଲି ଆଶଙ୍କା ରହିଛି ।

ଏଥିସହ ପଢ଼ନ୍ତୁ: ୩୫ ଜଣ ପିଲା ହାତ କାଟିଦେବା ପରେ ସ୍କୁଲ ଏବଂ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି