OTET ପ୍ରଶ୍ନପତ୍ର ଲିକ୍‌ ମାମଲାରେ କ୍ରାଇମ୍‌ବ୍ରାଞ୍ଚ DIGଙ୍କ ବଡ଼ ବୟାନ । ସନ୍ଦେହ ଘେରରେ ବୋର୍ଡ ଉପସଭାପତି ନିହାର ମହାନ୍ତି । କ୍ରାଇମବ୍ରାଞ୍ଚ ତଦନ୍ତ ପରିସରକୁ ଆସିବେ ନିହାର ମହାନ୍ତି । ନିହାରଙ୍କ ଲାପ୍‌ଟପ୍‌କୁ କିପରି ଆସିଲା ପ୍ରଶ୍ନପତ୍ର, ତଦନ୍ତ ହେବ । ପରୀକ୍ଷା ନିୟନ୍ତ୍ରଣ ଦାୟିତ୍ଵରେ ନାହାନ୍ତି ଉପସଭାପତି ନିହାର ମହାନ୍ତି । ପ୍ରଶ୍ନପତ୍ର କାହିଁକି ଲିକ୍ ହେଲା ତଦନ୍ତ ଚାଲିଛି । ପ୍ରଶ୍ନପତ୍ର ଲିକ୍ ପଛରେ ଶିକ୍ଷକଙ୍କ ହାତ ରହିଛି । କେମିତି ମିଳିଲା ପାସ୍‌ୱାର୍ଡ ତାର ତଦନ୍ତ ଚାଲିଛି । ସମସ୍ତଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି କ୍ରାଇମ୍‌ବ୍ରାଞ୍ଚ DIG ।

ଅନ୍ୟ ଜଣେ ଅଭିଯୁକ୍ତ ଶିକ୍ଷକ ଭବାନୀପାଟଣା ଅଞ୍ଚଳର ପ୍ରଶାନ୍ତ ଖମାରୀ ଗିରଫ । ସମ୍ପୃକ୍ତ ଶିକ୍ଷକ ଇଂରାଜୀରୁ ଓଡ଼ିଆକୁ ଅନୁବାଦ କରିଥିଲେ । ଗୁଗଲ୍‌ ଟ୍ରାନ୍ସଲେଟ୍‌ର ମଧ୍ୟ ସହାୟତା ନେଇଥିଲେ ସେହି ଶିକ୍ଷକ । ତାଙ୍କ ହସ୍ତାକ୍ଷରକୁ ହ୍ୟାଣ୍ଡରାଇଟିଂ ବ୍ୟୁରୋକୁ ପଠାଯିବ । ଅଭିଯୁକ୍ତଙ୍କ ପାଖକୁ ୯୯ ହଜାର ଟଙ୍କା ଟ୍ରାନ୍ସଫର କରାଯାଇଛି । ପ୍ରଶ୍ନପତ୍ର ଲିକ୍ ମାମଲାରେ ଗିରଫଦାରୀ ସଂଖ୍ୟା ୭କୁ ବୃଦ୍ଧି ପାଇଛି । ପୂର୍ବରୁ ୬ ଜଣଙ୍କୁ ଗିରଫ କରିଥିଲା କ୍ରାଇମବ୍ରାଞ୍ଚ ।

କିଏ ଏହି ବୋର୍ଡ ଉପସଭାପତି ନିହାର ମହାନ୍ତି ? ବିବାଦ ଘେରରେ ବୋର୍ଡ ଉପସଭାପତି ନିହାର ମହାନ୍ତି । ଅର୍ଗସ ହାତରେ ଏକ୍ସକ୍ଲୁସିଭ୍ ଦସ୍ତାବିଜ୍ । ନିର୍ବାଚନ କମିଶନଙ୍କ ଚିଠି ଖୋଲିଲା ନିହାର ଓ ପୂର୍ବ ସରକାରର ପୋଲ୍ । ନିହାର ମହାନ୍ତିଙ୍କୁ ଘଣ୍ଟ ଘୋଡାଇ ରଖିଥିଲେ ପୂର୍ବ ସରକାର । ୧୪ ବର୍ଷ ଧରି ବୋର୍ଡ ଅଫିସକୁ ନିୟନ୍ତ୍ରଣରେ ରଖିଛନ୍ତି ନିହାର ମହାନ୍ତି । ୨୦୨୪ ନିର୍ବାଚନ ପୂର୍ବରୁ ନିର୍ବାଚନ କମିଶନ ତାଙ୍କ ବଦଳି ପାଇଁ କହିଥିଲେ । ୧୦ ବର୍ଷରୁ ଅଧିକ ସମୟ ଧରି ବୋର୍ଡ ଅଫିସରେ ଥିବାରୁ ବଦଳି ପାଇଁ କହିଥିଲେ ।

ବର୍ଷ ବର୍ଷ ଧରି ବୋର୍ଡ ଅଫିସରେ କେମିତି ରହିଲେ ନିହାର ? ପୂର୍ବ ସରକାରରେ କିଏ ଦେଉଥିଲା ନିହାରଙ୍କୁ ସୁରକ୍ଷା । OTET ସ୍ଵତନ୍ତ୍ର ପ୍ରଶ୍ନପତ୍ର ଲିକ୍‌ ମାମଲାରେ ଫସିବେ ନିହାର ମହାନ୍ତି । ନିହାରଙ୍କ ସମ୍ପର୍କୀୟଙ୍କ ପ୍ରିଣ୍ଟିଂ ପ୍ରେସ୍‌ରେ ଛପାଯାଉଥିଲା କି ପ୍ରଶ୍ନପତ୍ର ? ପୂର୍ବ ସରକାରଙ୍କ ଗେହ୍ଲାପୁଅ ଥିଲେ କି ନିହାର ମହାନ୍ତି ? ଗେହ୍ଲାପୁଅ ହେବା ପଛରେ ଥିଲା କି ବଡ଼ କାରବାର ?

କାହା ଛତ୍ରଛାୟାରେ ହୋଇଥିଲେ ପାୱାରଫୁଲ୍ ? କାହା ଆଶୀର୍ବାଦରୁ ବର୍ଷ ବର୍ଷ ଧରି ଗାଦି ମାଡ଼ିବସିଥିଲେ ନିହାର? ପ୍ରଶ୍ନପତ୍ର ହେରଫେର୍‌ରେ ହେଉଥିଲା କି ବଡ଼ଧରଣର ସ୍କାମ୍ ? ପିଲାଙ୍କ ଭବିଷ୍ୟତ ସହ ଖେଳି ନିଜେ ହେଉଥିଲେ କି ମାଲାମାଲ୍ ? ଶିକ୍ଷା ଦଲାଲ୍‌ଙ୍କ ସହ ଥିଲା କି ନିହାର ମହାନ୍ତିଙ୍କ ଡିଲ୍ ? ବର୍ଷ ବର୍ଷ ଧରି ଗାଦି ମାଡ଼ି ବସିଛନ୍ତି ନିହାର ମହାନ୍ତି । ୧୦ରୁ ଅଧିକ ବର୍ଷ ଥିବାରୁ ଟ୍ରାନ୍ସଫର ପାଇଁ ନିର୍ଦ୍ଦେଶ ଦେଇଥିଲେ ନିର୍ବାଚନ କମିଶନ । ଟ୍ରାନ୍ସଫର ନିର୍ଦ୍ଦେଶ ସତ୍ତ୍ଵେ ନିୟମକୁ ଫୁ' କରି କିପରି ଗାଦି ମାଡ଼ିବସିଥିଲେ ?