ପୁରୀ: ଶ୍ରୀମନ୍ଦିରରେ ପାନ ଗୁଟଖା ନିଷେଧ ନେଇ ମୁଖ୍ୟ ପ୍ରଶାସକ ରଖିଲେ ପ୍ରତିକ୍ରିୟା । ନୂଆବର୍ଷରୁ ଶ୍ରୀମନ୍ଦିର ଭିତରେ ପାନ ଗୁଟଖା ଉପରେ ଲାଗିବ କଟକଣା । ପୂର୍ବ ନିଷ୍ପତ୍ତି ମୁତାବକ ନୂଆବର୍ଷରୁ ତାମୁଳ ସେବନ କଲେ ଲାଗିବ ଜରିମାନା। ଭକ୍ତ ଓ ସେବାୟତ ମାନେ ନିଜେ ସଚେତନ ହୋଇ ପାନ ଗୁଟଖା ନଖାଇବାକୁ ଅନୁରୋଧ କଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ । ବରାହ ପୁରାଣର ଉଦାହରଣ ଦେଇ ତାମୁଳ ସେବନ ଉପରେ କଟକଣା ଲାଗୁ ହେବ କହିଲେ ମୁଖ୍ୟ ପ୍ରଶାସକ ରଞ୍ଜନ୍ ଦାସ ସୂଚନା ଦେଇଛନ୍ତି ।

ଏହାପୂର୍ବରୁ ଶ୍ରୀମନ୍ଦିର ଗଲେ ଶାଳିନତାପୂର୍ଣ୍ଣ ପୋଷାକ ପରିଧାନ କରିବାକୁ ଜାରି ହୋଇଥିଲା ଆଡଭାଇଜରି । ପୁରୁଷଙ୍କ ପାଇଁ ପ୍ୟାଣ୍ଟ, ସାର୍ଟ,ଚୁଡିଦାର ପଞ୍ଜାବୀ, ଧୋତି ଓ ମହିଳାଙ୍କ ପାଇଁ ଶାଢୀ ଓ ସାଲୁଆର୍ କମିଜ୍ ପରିଧାନ ପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଥିଲା ।

ଶ୍ରୀମନ୍ଦିର ଗଲେ କଣ ପିନ୍ଧିବେ ଶ୍ରଦ୍ଧାଳୁ, ସଚେତନ କରନ୍ତୁ- ଶ୍ରୀମନ୍ଦିର ପ୍ରଶାସନ

ଆସନ୍ତା ଜାନୁଆରୀ 1 ରୁ ଭକ୍ତଙ୍କ ପାଇଁ ଲାଗୁ ହେବ ଡ୍ରେସ୍ କୋଡ୍ । ଜାନୁଆରୀ ୧ ତାରିଖରୁ ସିଂହଦ୍ଵାରରେ ମୁତୟନ ଜେଟିପି ଓ ଶ୍ରୀମନ୍ଦିର ଭିତରେ ରହୁଥିବା ପ୍ରତିହାରୀ ସେବକ ଭକ୍ତଙ୍କ ପୋଷାକକୁ କରିବେ ତଦାରଖ । ତେବେ ଏହା ପୂର୍ବରୁ ଲୋକଙ୍କୁ ଏ ବିଷୟରେ ଭଲ ଭାବରେ ସଚେତନ କରିବାକୁ ନିର୍ଦେଶ ଦେଇଛନ୍ତି ଶ୍ରୀମନ୍ଦିର ପ୍ରଶାସନ ।

Argus News | argus news | Odisha Latest News, Breaking News, Trending News, Live TV