ପାରାଦୀପ ବନ୍ଦରର ଏକ ଜାହାଜରେ କୋଇଲା ବୋଝେଇ ସମୟରେ କୋଇଲାରେ ନିଆଁ ଲାଗି ଜୋରରେ ଧୂଆଁ ବାହାରୁ ଥିବା ଦେଖିବାକୁ ମିଳିଛି । ପାରାଦୀପ ବନ୍ଦର ଚେନ୍ନାଇରାଧା ବର୍ଥରେ ନିଆଁ ଲାଗିଛି । ଜାହାଜରେ କୋଇଲା ଲୋଡିଂ ସମୟରେ ନିଆଁ ଲାଗିଥିବା ଦେଖିବାକୁ ମିଳିଛି । ଚେନ୍ନାଇରାଧା ବର୍ଥରେ କନଭଏର ବେଲ୍ଟ ଦ୍ବାରା ଜାହାଜରେ ଲୋଡିଂ ହେଉଥିଲା ଥର୍ମାଲ କୋଇଲା ।

ନିଆଁ ଲାଗିବାରୁ ଜାହାଜକୁ CQ-2 ବର୍ଥକୁ ଅଣାଯାଇ ଜାହାଜରୁ କୋଇଲା କଢ଼ାଯାଇ ପାଣି ମରାଯାଇଛି । ପାଣି ମାରି କୋଇଲା ଲୋଡିଂ ନ କରିବାରୁ ନିଆଁ ଲାଗିଥିବା ଅନୁମାନ । ଥର୍ମାଲ୍ କୋଇଲା ଗୁଡ଼ିକ ସାଧାରଣତଃ ଗରମ ରହିଥାଏ, ସେଗୁଡ଼ିକୁ ଜାହାଜରେ ଲୋଡିଂ ସମୟରେ ପାଣି ମାରି ଲୋଡିଂ କରାଯାଇଥାଏ । ତେବେ କାଲି ବିଳମ୍ବିତ ରାତିରେ କୋଇଲା ଲୋଡିଂ ସମୟରେ ପାଣି ମରାଯାଇନଥିବାରୁ ଏଭଳି ଅଘଟଣ ଘଟିଥିବା ଅନୁମାନ କରାଯାଉଛି । ନିଆଁ ଓ ଧୂଆଁ ଦେଖିବା ପରେ ଜାହାଜକୁ CQ-2 ବର୍ଥକୁ ସିଫ୍ଟ କରାଯାଇ କୋଇଲା କଢ଼ାଯିବା ସହ ସେଥିରେ ପାଣି ମାରି ନିଆଁକୁ ଲିଭାଯାଉଥିବା ଦେଖିବାକୁ ମିଳିଛି ।