ପୂର୍ବ ସରକାର ସମୟରେ ୮୯ ଟି ଇଣ୍ଡୋର ଷ୍ଟାଡିୟମ ନିର୍ମାଣ ପାଇଁ ବ୍ୟୟବରାଦ ହୋଇଥିଲା ୬୯୩.୩୫ କୋଟି ଟଙ୍କା । ଭଦ୍ରକ ପୌରପାଳିକା ଅଧିନସ୍ଥ ବାଗୁରାଇ ଠାରେ ରାସ୍ତା ନ ଥିବା ସ୍ଥାନରେ ୧୦ କୋଟି ରୁ ଉର୍ଦ୍ଧ ଟଙ୍କାରେ ନିର୍ମାଣ କରାଯାଇଥିଲା ଇଣ୍ଡୋର ଷ୍ଟାଡିୟମ । ଷ୍ଟାଡିୟମ ନିର୍ମାଣର ଦେଢ଼ ବର୍ଷ ଭିତରେ କାର୍ଯ୍ୟ ସରିବା କଥା। ଇଣ୍ଡୋର ଷ୍ଟାଡିୟମଟିର ନିର୍ମାଣ ସାରିଥିଲେ ମଧ୍ୟ ଆଜି ଯାଏଁ ଜିଲ୍ଲା ପ୍ରଶାସନକୁ ହସ୍ତାନ୍ତର ହୋଇ ପାରିନାହିଁ । କାରଣ ଷ୍ଟାଡିୟମରେ ବିଦ୍ୟୁତ ସଂଯୋଗ ନାହିଁ କି ରାସ୍ତା ନାହିଁ ।ଖେଳାଳିମାନେ ଆବଶ୍ୟକ ସୁବିଧା ପାଉନାହାନ୍ତି ।

ଇଣ୍ଡୋର ଷ୍ଟାଡିୟମ ଖୋଲୁ ନ ଥିବାରୁ ପିଲାମାନଙ୍କ ଭବିଷ୍ୟତକୁ ନେଇ ଚିନ୍ତାରେ ଅଭିଭାବକ । ଇଣ୍ଡୋର ଷ୍ଟାଡିୟମର ଏପରି ନିର୍ମାଣ କୁ ନେଇ ଅସନ୍ତୋଷ ପ୍ରକାଶ କରିଛନ୍ତି। ଜିଲ୍ଲାପାଳ କହିଛନ୍ତି ଇଣ୍ଡୋର ଷ୍ଟାଡିୟମଟି ନିର୍ମାଣ ସରିଛି। ସେଠାରେ ବିଦ୍ୟୁତ ସଂଯୋଗ ଖୁବ ଶୀଘ୍ର ହେବ । ଆଉ ସେଠାକୁ ଯିବା ପାଇଁ ରାସ୍ତା ଖୁବ ଶୀଘ୍ର ନିର୍ମାଣ କରାଯିବ। ଖୁବ ଶୀଘ୍ର ଏହି ଇଣ୍ଡୋର ଷ୍ଟାଡିୟମକୁ ଖୋଲାଯିବ ବୋଲି ଜିଲ୍ଲାପାଳ କହିଛନ୍ତି ।

ଅଭିଯୋଗ ହେଉଛି ବିଜେଡି ସରକାର ସମୟରେ ଭୋଟ ହାତେଇବା ପାଇଁ ଖେଳାଳିମାନଙ୍କୁି ଭୂଆଁ ବୁଲାଇ ଏହି ଷ୍ଟାଡିୟମ ନିର୍ମାଣ କରାଯାଇଥିଲା । ଯାହାର ପରିଣାମ ହେଲା ଖେଳାଳିଙ୍କ କାମରେ ଆସୁନି ଷ୍ଟାଡିୟମ ।