ବିଦ୍ୟାଳୟରେ ତାଲା ପକାଇ ଧାରଣା ଦେଲେ ଅଭିଭାବକ। ଶୁକ୍ରବାର ବିଦ୍ୟାଳୟ ଖୋଲିବାକୁ ପ୍ରତିବାଦ କରି ଉତ୍ତେଜନା କରାଯାଇଛି। ବିଦ୍ୟାଳୟ ଗେଟରେ ତାଲା ପକାଇ ଧାରଣା ଦେଲେ ଗ୍ରାମବାସୀ । ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାଶୁଝା କରୁଛି ପୋଲିସ। ଏଭଳି ଘଟଣା ଘଟିଛି ବାସୁଦେବପୁର ପୌରପାଳିକାର ସାବରପୁର ଉର୍ଦ୍ଧୁ ୟୁଜିମଇ ବିଦ୍ୟାଳୟରେ । ବିଦ୍ୟାଳୟରେ ମୋଟ 450ଜଣ ଛାତ୍ରଛାତ୍ରୀ ପାଠ ପଢ଼ନ୍ତି । ସେଥିମଧ୍ୟରୁ 430 ଜଣ ମୁସଲିମ ସମ୍ପ୍ରଦାୟର ।

ସେଥିପାଇଁ ସପ୍ତାହର ଶୁକ୍ରବାର ଦିନ ବିଦ୍ୟାଳୟ ବନ୍ଦ ରହିଥାଏ ଓ ରବିବାର ବିଦ୍ୟାଳୟ ଖୋଲା ରହେ । ହେଲେ ଆଜି ଉପରିସ୍ଥ ଅଧିକାରୀଙ୍କ ନିର୍ଦ୍ଦେଶରେ ବିଦ୍ୟାଳୟର ପ୍ରଧାନ ଶିକ୍ଷକ ଆଜି ବିଦ୍ୟାଳୟ ଖୋଲିଥିଲେ । ଏହାକୁ ପ୍ରତିବାଦ କରି ସାବରପୁରର କିଛି ଗ୍ରାମବାସୀ ଗେଟରେ ତାଲା ପକାଇ ଧାରଣାରେ ବସିଥିଲେ।