Peetabas Panda Murder / ପୀତବାସ ପଣ୍ଡା ହତ୍ୟା ମାମଲା: ପୁଣି ଜେଲ୍ ଗଲେ ମଳୟ, ମଦନ

ଆଇନଜୀବୀ ପୀତବାସ ପଣ୍ଡା ହତ୍ୟା ମାମଲା। ଆଜି ରିମାଣ୍ଡର ଶେଷ ଦିନ। ରିମାଣ୍ଡ ଅବଧି ପୂର୍ବରୁ କର୍ପୋରେଟର ମଳୟ ବିଷୋୟୀ ଓ ବିଜେଡ଼ି ନେତା ମଦନ ଦଳେଇଙ୍କୁ ହାଜତକୁ ପଠାଇଲା ପୋଲିସ। ଗତକାଲି ଜଣେ ଆଇନଜୀବୀଙ୍କ ସହ ଦୁଇଜଣଙ୍କୁ ମୁହାଁମୁହିଁ ହୋଇଥିଲା ଜେରା। ଆଜି ଆଉ ୪ ଜଣଙ୍କୁ ଏସଡ଼ିଜେଏମ୍ କୋର୍ଟରେ ହାଜର କରିବ ପୋଲିସ । ୬ ଜଣଙ୍କୁ ପୋଲିସ ରିମାଣ୍ଡରେ ଆଣିଥିବା ବେଳେ ଏଥିରେ ରହିଥିଲେ ମଳୟ ଓ ମଦନ । ଆଉ ୪ ଜଣ କୁରୁପତି ଭୂୟାଁ, ଚିଣ୍ଟୁ ପ୍ରଧାନ, ଯୋଗୀ ରାଉତ, ଉମା ବିଷୋୟୀଙ୍କୁ ପୋଲିସ ପଚରାଉଚରା ଜାରି ରଖିଛି । ଗତକାଲି କୁରୁପତି ଏବଂ ଚିଣ୍ଟୁକୁ ନେଇ ପୋଲିସ ସିନରିକ୍ରିଏସନ କରିଥିଲା । ସିନ୍‌ରିକ୍ରିଏସନରେ କେମିତି ପୀତବାସଙ୍କୁ ଗୁଳି ମାରିଥିଲା ସବୁ ସତ ମାନିଥିଲା କୁରୁପତି ।

ହାଇପ୍ରୋଫାଇଲ୍ ପୀତବାସ ପଣ୍ଡା ହତ୍ୟାକାଣ୍ଡକୁ ମାସେ । ଗୁଳିକାଣ୍ଡ ସ୍ଥଳରେ କ୍ରାଇମ୍ ସିନ୍ ରିକ୍ରିଏସନ୍ କରିଛି ପୋଲିସ । ଅକ୍ଟୋବର ୬ କୁମାର ପୂର୍ଣ୍ଣିମା ରାତିରେ ସାର୍ପ ସୁଟର କୁରୁପତି ଭୂୟାଁ ଓ ଚିଣ୍ଟୁ ପ୍ରଧାନ କିଭଳି ଭାବେ ପୀତବାସଙ୍କୁ ଗୁଳି କରିଥିଲେ ପୋଲିସକୁ ଦେଖାଇଛନ୍ତି । ଏବେ ପୋଲିସ ସାର୍ପ ସୁଟର କୁରୁପତି ଭୂୟାଁ ଓ ଚିଣ୍ଟୁ ପ୍ରଧାନଙ୍କ ସହ ୬ ଜଣଙ୍କୁ ୨ ଦିନିଆ ରିମାଣ୍ଡରେ ଆଣି ପଚରାଉଚରା କରୁଛି । ଆଜି ହେଉଛି ରିମାଣ୍ଡର ଶେଷ ଦିନ। ରିମାଣ୍ଡ ବେଳେ ପୋଲିସକୁ ହତ୍ୟାକାଣ୍ଡର ଡେମୋ ଦେଖାଇଛନ୍ତି ସାର୍ପ ସୁଟର କୁରୁପତି ଭୂୟାଁ ଓ ଚିଣ୍ଟୁ ପ୍ରଧାନ । ସେପଟେ ପୀତବାସଙ୍କୁ ହତ୍ୟା ଘଟଣାରେ ବୈଦ୍ୟନାଥପୁର ଥାନାରେ ଜଣେ ଆଇନଜୀବୀଙ୍କୁ ପୋଲିସ ପଚରାଉଚରା କରୁଥିବା ମଧ୍ୟ ସୂଚନା ମିଳିଛି ।

ଆଇନଜୀବୀ ପୀତବାସ ପଣ୍ଡା ହତ୍ୟା ମାମଲାରେ ବ୍ରହ୍ମପୁର ପୋଲିସ ଏବେ ସୁଦ୍ଧା ୧୫ ଜଣଙ୍କୁ ଗିରଫ କରିଛି । ଗିରଫଙ୍କ ମଧ୍ୟରେ ପୂର୍ବତନ ବିଜେଡି ବିଧାୟକ ବିକ୍ରମ ପଣ୍ଡା, ପୂର୍ବତନ ମେୟର ଶିବଶଙ୍କର ଦାଶ, ବିଜେଡି କର୍ପୋରେଟର ମଳୟ ବିଷୋୟୀ ପ୍ରମୁଖ ଅଛନ୍ତି ।କୁମାର ପୂର୍ଣ୍ଣିମା ରାତି ପ୍ରାୟ ୧୦ଟାରେ ପୀତବାସ ତାଙ୍କ ଚ୍ୟାମ୍ବରରେ କାମ ସାରି ସ୍କୁଟିରେ ଘରକୁ ଫେରୁଥିଲେ । ଘରଠୁ ମାତ୍ର ୧୦୦ ମିଟର ଦୂରରେ ଥିବା ବେଳେ ବାଇକ୍‌ରେ ଆସି ଅତି ପାଖରୁ ଗୁଳି କରିଥିଲେ କୁରୁପତି ଓ ଚିଣ୍ଟୁ । ଗେଟ୍ ବଜାରରୁ ନୂଆ ବସଷ୍ଟାଣ୍ଡ ବୈକୁଣ୍ଠନଗର ଅଞ୍ଚଳରେ ଗୁଳି କରି ଫେରାର୍ ହୋଇ ଯାଇଥିଲେ ଉଭୟ ।

ଏଥିସହ ପଢ଼ନ୍ତୁ: ଡେମୋ ଦେଖାଇବା ବେଳେ ଦୌଡ଼ିଲା ପୀତବାସଙ୍କୁ ଗୁଳି କରିଥିବା କୁରୁପତି ଭୂୟାଁ !

ବୁଧବାର କ୍ରାଇମ ସିନ୍ ରିକ୍ରିଏସନ୍ ବେଳେ କୁରୁପତି ଭୂୟାଁ ଓ ଚିଣ୍ଟୁ ପ୍ରଧାନ ଗୋଟି ଗୋଟି କରି ସବୁକିଛି ପୋଲିସକୁ ଦେଖାଇଛନ୍ତି । ଦୁହେଁ ବାଇକ୍‌ରେ କେଉଁ ରାସ୍ତା ଦେଇ ଆସିଥିଲେ, କେଉଁଠି ପୀତବାସଙ୍କୁ ଅଟକାଇଲେ, ଆଉ କିଭଳି ଗୁଳି କଲେ ସବୁ କିଛି ଦେଖାଇଛନ୍ତି । କଡ଼ା ସୁରକ୍ଷା ବ୍ୟବସ୍ଥା ଭିତରେ ପୋଲିସ କ୍ରାଇମ୍ ସିନ୍ ରିକ୍ରିସନ୍ କରିଛି । କୁମାର ପୂର୍ଣ୍ଣିମା ରାତିରେ ପୀତବାସଙ୍କ ଘର ଛକ ପାଖରେ ଗାଡ଼ି ରଖି ଚିଣ୍ଟୁ ଓ କୁରୁପତି ଛକି ରହିଥିଲେ । ପୀତବାସ ଆସିବାରୁ ତାଙ୍କୁ ନମସ୍କାର କରିଥିଲେ ଉଭୟ କିଏ ବୋଲି ପୀତବାସ ପ୍ରଶ୍ନ କରିବା ମାତ୍ରେ ଗୁଳି କରିଥିଲେ କୁରୁପତି । ଫାୟାରିଂ ପରେ ଚିଣ୍ଟୁ ବାଇକ୍ ଚଳାଇବା ସହ କୁରୁପତି ବସି ଖସି ପଳାଇଥିଲେ । ଦୁହେଁ ସେଠାରୁ ଖସିଯିବା ସହ ଶୀତଳାପଲ୍ଲୀରେ ପୋଷାକ ବଦଳାଇବା ସହ ସେଠାରେ ବନ୍ଧୁକ ପୋତି ଦେଇ ପୁରୁଷୋତ୍ତମପୁର ଦେଇ ପଳାଇଥିଲେ । ରାମେଶ୍ଵର ନିକଟରେ ବାଇକ୍ ଥୋଇ ଦେଇ ବସ୍ ଯୋଗେ ଭୁବନେଶ୍ଵର ଆଉ ସେଠାରୁ ପୁରୀ ପଳାଇଥିଲେ ।

ଅଧିକ ପଢ଼ନ୍ତୁ ଓଡ଼ିଶା ଖବର: