୪ ଦିନ ଧରି ପାଣି ଘେରରେ ୧୦ଟି ପଞ୍ଚାୟତର ୬୦ରୁ ଅଧିକ ଗାଁ । ସୁବର୍ଣ୍ଣରେଖାର ବନ୍ୟାପାଣିରେ ଦାରୁହା, କୁଳିଦା, ମହାଗବ୍, ନାଚିନ୍ଦ ଭଳି ପଞ୍ଚାୟତ ଜଳମଗ୍ନ ହୋଇଛି । ତଳିଆ ଅଞ୍ଚଳରେ ପାଣି ଧୀରେ ଧୀରେ ବଢ଼ି ଚାଲିଛି । ଏବେବି ରାସ୍ତା ଉପରେ ୪ଫୁଟରେ ପାଣି ଚାଲିଛି । ସକାଳୁ ଲଘୁଚାପ ଜନିତ ବର୍ଷା ଆରମ୍ଭ ହେବାରୁ ବନ୍ୟା ଆଶଙ୍କା ନେଇ ଭୟଭୀତ ସ୍ଥାନୀୟ ବାସିନ୍ଦା ।

ସେପଟେ ବୈତରଣୀ ନଦୀରେ ଆସିଥିବା ପ୍ରଥମ ବନ୍ୟାପାଣିରେ ଆରଡି ଅଞ୍ଚଳ ସମେତ ୪ଟି ପଞ୍ଚାୟତ ଜଳମଗ୍ନ । ଶହଶହ ହେକ୍ଟର ଚାଷଜମିକୁ ମାଡିଗଲା ବନ୍ୟାପାଣି । ଆରଡି ଅଞ୍ଚଳ ସମେତ ୪ଟି ପଞ୍ଚାୟତ ଓଳଗ, ସୁନ୍ଦରପୁର, ନାନ୍ଦପୁର ପଞ୍ଚାୟତର ଶହଶହ ହେକ୍ଟର ଚାଷଜମିକୁ ମାଡିବାରେ ଲାଗିଛି ବନ୍ୟାପାଣି । ଉପରମୁଣ୍ଡରୁ ଆସୁଥିବା ବନ୍ୟାପାଣି ଓ ଧାମରା ମୁହାଣ ସମୁଦ୍ରରୁ ଆସୁଥିବା ଜୁଆର ପାଣିରେ ବୈତରଣୀ ଉଛୁଳିପଡିଛି । ସେପଟେ ସାଳନ୍ଦୀ ନଦୀ ମଧ୍ୟ ଉଛୁଳୁଛିବାରେ ଲାଗିଛି ।