ସୋମବାର ସମ୍ବଲପୁର ମହାନଗର ନିଗମ କାର୍ଯ୍ୟଳୟରେ ମୁଖ୍ୟମନ୍ତ୍ରୀଙ୍କ ଜନ ଅଭିଯୋଗ ଶୁଣାଣୀ । ଏଥିପାଇଁ ପ୍ରଶାସନ ପକ୍ଷରୁ ଚାଲିଛି ବ୍ୟାପକ ପ୍ରସ୍ତୁତି । ଶନିବାର ପଂଚାୟତି ରାଜ ମନ୍ତ୍ରୀ ରବିନାରାୟଣ ନାୟକ ସ୍ଥିତି ପରଖିଥିଲେ । ଆଜି ରାଜସ୍ବ ମନ୍ତ୍ରୀ ସୁରେଶ ପୂଜାରୀ ସ୍ଥିତି ପରଖିଛନ୍ତି । ପ୍ରଶାସନ ସହିତ ସମୀକ୍ଷା କରିଛନ୍ତି । ମୁଖ୍ୟମନ୍ତ୍ରୀ ଅଭିଯୋଗ ପ୍ରକୋଷ୍ଠ, ସଚିବଙ୍କ ପ୍ରକୋଷ୍ଠ, ଜରୁରୀ ସେବା ଆଦି ବିଭିନ୍ନ ପ୍ରକୋଷ୍ଠ ଖୋଲୁଥିବାରୁ ତାର ତଦାରଖ କରିଛନ୍ତି । ଜିଲ୍ଲାପାଳ, କମିଶନର, ପୋଲିସ ଆଇଜି, CMO ଅଫିସର କିଛି ଅଧିକାରୀ ସହ ଆଲୋଚନା କରିଛନ୍ତି । ସକାଳ ୮ ଟାରୁ ଅଭିଯୋଗ ଶୁଣାଣି ଆରମ୍ଭ ହୋଇ ଦିନ ଗୋଟାଏ ପର୍ଯ୍ୟନ୍ତ ଚାଲିବ । ହଜାରେ ଜଣ ପୋଟାଲରେ ପଞ୍ଜିକରଣ କରିଛନ୍ତି। ୫ ଶହ ଅଫଲାଇନ ମାଧ୍ୟମରେ ଅଭିଯୋଗ ଶୁଣାଣୀରେ ସାମିଲ ହେବେ । ଲୋକଙ୍କ ଅନେକ ସମସ୍ୟା ଅନ ଦ ସ୍ପଟ ସମାଧାନ ହେବ ବୋଲି କହିଛନ୍ତି ରାଜସ୍ବ ମନ୍ତ୍ରୀ ।

ଅଭିଯୋଗ ଶୁଣାଣୀ ପାଇଁ ପୋଲିସର ସୁରକ୍ଷା ବ୍ୟବସ୍ଥା କଡାକଡି । ମହାନଗର ନିଗମ କାର୍ଯ୍ୟଳୟ ଅଂଚଳରେ ୧୮ ପ୍ଲାଟୁନ ପୋଲିସ ଫୋର୍ସ ମୃତୟନ ହେବେ । ଅତିରିକ୍ତ ଏସପି, ଏସଡିପିଓ , ଥାନା ଅଧିକାରୀ ମଧ୍ୟ ନିୟୋଜିତ ରହିବେ । ୫୩ ନମ୍ବର ଜାତୀୟ ରାଜପଥ ରୁ SMC କାର୍ଯ୍ୟାଳୟ ପର୍ଯ୍ୟନ୍ତ ଟ୍ରାଫିକ , ପାର୍କିଙ୍ଗ ବ୍ୟବସ୍ଥା କରାଯାଇଛି। ଲୋକଙ୍କ ପାଇଁ ପାନୀୟ ଜଳ ବ୍ୟଵସ୍ଥା ମଧ୍ୟ ହୋଇଛି ।

ମୁଖ୍ୟମନ୍ତ୍ରୀ ମୋହନ ଚରଣ ମାଝି ସହ ସହ ରାଜ୍ୟର 11 ଜଣ ମନ୍ତ୍ରୀ ଓ ବରିଷ୍ଠ ଅଧିକାରୀ ଉପସ୍ଥିତ ରହିଵେ । CMO ଅଫିସ ର ବରିଷ୍ଠ ଅଧିକାରୀ ମଧ୍ୟ ରହିବେ । ଜନ ଅଭିଯୋଗ ଶୁଣାଣୀରେ ସାମିଲ ପାଇଁ ଜନ ସାଧାରଣ ପଞ୍ଜିକୃତ ସ୍ଵୀକାର ପତ୍ର ଓ ବ୍ୟକ୍ତିଗତ ପରିଚୟ ପତ୍ର ଓ ନିଜର ଅଭିଯୋଗ ପତ୍ର ଆଣିବେ ।

Argus News | argus news | -Argusnews Home: Odisha Latest News, Breaking News, Trending News, Live TV and more