ବୈତରଣୀ ନଦୀର ମିଶୁଛି ଚିଙ୍ଗୁଡି ଫାର୍ମର କୀଟନାଶକ

ଚାନ୍ଦବାଲି ବୈତରଣୀ ନଦୀର ମିଶୁଛି ଚିଙ୍ଗୁଡି ଫାର୍ମର କୀଟନାଶକ । ହଜାର ହଜାର ହେକ୍ଟର ଜମିରେ ବେଆଇନ ଭାବେ ଚିଙ୍ଗୁଡି ଚାଷ କରୁଛନ୍ତି ମାଫିଆ । ଚିଙ୍ଗୁଡି ଫାର୍ମରେ ବ୍ୟବହାର କରାଯାଉଥିବା କୀଟନାଶକ ସିଧା ମିଶୁଛି ବୈତରଣୀ ନଦୀରେ । ବିଭିନ୍ନ ଶିଳ୍ପାନୁଷ୍ଠାନର ବର୍ଜ୍ୟବସ୍ତୁ ପଡୁଛି ପାଣିରେ । ଯାହା ବୈତରଣୀର ଜଳକୁ ଜହର କରୁଛି ବୋଲି ଅଭିଯୋଗ ହୋଇଛି ।

ବୈତରଣୀର ପାଣି ପ୍ରଦୂଷିତ ହେଉଥିବାରୁ ଏଥିରେ ରହୁଥିବା ମତ୍ସ୍ୟସମ୍ପଦ ଏବେ ବିପଦ ଘେରରେ । ପାଣି ଭିତରେ ରହୁଥିବା ବିଭିନ୍ନ ମାଛ, ଚିଙ୍ଗୁ଼ଡିଙ୍କ ପ୍ରଜନନ କ୍ଷମତା ହ୍ରାସ ପାଉଛି ବୋଲି କହିଛନ୍ତି ପରିବେଶବିତ । ତୁରନ୍ତ ଏ ଦିଗରେ ପଦକ୍ଷେପ ନିଆଯିବା ଉପରେ ସେ ଗୁରୁତ୍ବ ଦେଇଛନ୍ତି ।