ଭୁବନେଶ୍ବର,୨୫/୦୫: ପୁଣି ବଢ଼ିବ ପେଟ୍ରୋଲ-ଡିଜେଲ ଦର। କ୍ରମାଗତ ଭାବେ ଚତୁର୍ଥ ଥର ତୈଳ ଦର ବୃଦ୍ଧି ପରେ ଆଗକୁ ଆହୁରି ଦର ବଢ଼ିବ ବୋଲି କହିଛନ୍ତି ଉତ୍କଳ ପେଟ୍ରୋଲିୟମ ଡିଲର ଆସୋସିଏସନର ସାଧାରଣ ସମ୍ପାଦକ ସଞ୍ଜୟ ଲାଠ। ଯେତେବେଳେ ପର୍ଯ୍ୟନ୍ତ ଯୁଦ୍ଧ ନ କମିଛି, ତେବେ ତୈଳ ଦର ହ୍ରାସ ପାଇବ ନାହିଁ। ଏବେ ହର୍ମୁଜ ପ୍ରଣାଳୀରେ କ୍ରୁଡ଼ ଅଏଲ ଆସିପାରୁନି। ବିକଳ୍ପ ବ୍ୟବସ୍ଥା ଅର୍ଥାତ ସାଉଥଆଫ୍ରିକା ଦେଇ ଆଣିବା ଦର ବୃଦ୍ଧିର କାରଣ ବୋଲି ସଞ୍ଜୟ ଲାଠ କହିଛନ୍ତି।

ମଧ୍ୟ ଏସିଆ ଯୁଦ୍ଦ ସମଗ୍ର ବିଶ୍ବକୁ ପ୍ରଭାବିତ କରିଛି। ଇରାନ ବିରୋଧରେ ଇସ୍ରାଏଲ ଏବଂ ଆମେରିକାର ଯୁଦ୍ଧ ପାଇଁ ବିଶ୍ବରେ ତେଲ ସଙ୍କଟ ଦେଖାଯାଇଛି। ଭାରତ ସମେତ ସମଗ୍ର ବିଶ୍ବ ଏଥିରେ ପ୍ରଭାବିତ ହୋଇଛନ୍ତି। ପେଟ୍ରୋଲ ଏବଂ ଡିଜେଲର ମୂଲ୍ୟ ପୁଣି ଥରେ ବୃଦ୍ଧି ପାଇଛି। ଗତ ଦଶ ଦିନ ମଧ୍ୟରେ ଏହା ଇନ୍ଧନ ମୂଲ୍ୟରେ ଚତୁର୍ଥ ବୃଦ୍ଧି।

ଆଜି ପୁଣି ଥରେ ପେଟ୍ରୋଲ ଏବଂ ଡିଜେଲ ଦର ବୃଦ୍ଧି ପାଇଛି। ୨୫ ମେ’ ୨୦୨୬ ସକାଳ ୬ଟାରୁ, ଦିଲ୍ଲୀରେ ପେଟ୍ରୋଲ ଲିଟର ପିଛା ୨.୬୧ ବୃଦ୍ଧି ପାଇ ୧୦୨.୧୨ ହୋଇଛି। ସେହିପରି ଡିଜେଲ ଲିଟର ପିଛା ୨.୭୧ ବୃଦ୍ଧି ପାଇ ୯୫.୨୦ ହୋଇଛି। ପ୍ରଥମେ ୧୫ ମେ’ରେ ପ୍ରାୟ ୩ ଟଙ୍କା ବଢ଼ିଥିଲା। ତା'ପରେ ୧୯ ମେ’ରେ ପ୍ରାୟ ୯୦ ପଇସା, ପୁଣି ୨୩ ମେ’ରେ ପ୍ରାୟ ୯୦ ପଇସା ଏବଂ ଏବେ ପୁଣି ୨୫ ମେ’ରେ ଆଉଥରେ ବୃଦ୍ଧି ଘଟିଛି। ସାମଗ୍ରୀକ ଭାବରେ, ଗତ ୧୦ ଦିନ ମଧ୍ୟରେ ପେଟ୍ରୋଲ ଲିଟର ପିଛା ୭.୩୫ ଏବଂ ଡିଜେଲ ଲିଟର ପିଛା ୭.୫୩ ମହଙ୍ଗା ହୋଇଛି। ଭୁବନେଶ୍ଵରରେ ପେଟ୍ରୋଲ ରେଟ ୧୦୮.୮୩ ଟଙ୍କା ଡିଜେଲ ରେଟ ୧୦୦.୫୫ ଟଙ୍କା।

ପଢନ୍ତୁ ଏହି ଖବର: ୧୦ ଦିନ ମଧ୍ୟରେ ଚତୁର୍ଥ ଝଟକା…ପେଟ୍ରୋଲ ଏବଂ ଡିଜେଲ ଦର ପୁଣି ବଢ଼ିଲା… ଭୁବନେଶ୍ଵରରେ ୧୦୮.୮୩ ପେଟ୍ରୋଲ ରେଟ

ଦିଲ୍ଲୀରେ ମୂଲ୍ୟ କେତେ ବୃଦ୍ଧି ପାଇଛି?

ଦିଲ୍ଲୀରେ ପୂର୍ବରୁ ଡିଜେଲ ପ୍ରତି ଲିଟର 92.49 ଟଙ୍କା ଥିଲା, ତାହା ଆଜିଠାରୁ 95.20 ଟଙ୍କାରେ ବିକ୍ରି ହେବ। ଏହାର ଅର୍ଥ ହେଉଛି ଡିଜେଲ ପ୍ରତି ଲିଟର 2.71 ଟଙ୍କା ମହଙ୍ଗା ହୋଇଛି। ସେହିପରି, ପେଟ୍ରୋଲ, ଯାହା ପୂର୍ବରୁ 99.51 ଟଙ୍କା ଥିଲା, ତାହା ଆଜି 102.12 ଟଙ୍କାକୁ ବୃଦ୍ଧି ପାଇଛି।  ରାଜଧାନୀରେ କେବଳ ନିୟମିତ ପେଟ୍ରୋଲ ଏବଂ ଡିଜେଲ ନୁହେଁ, ପ୍ରିମିୟମ୍ ଇନ୍ଧନ ମୂଲ୍ୟ ମଧ୍ୟ ସମାନ ଗତିରେ ବୃଦ୍ଧି ପାଇଛି। XP95, ଯାହା ପ୍ରତି ଲିଟର 106.63 ଟଙ୍କା ଥିଲା, 25 ମେ’ରେ 109.24 ଟଙ୍କାକୁ ବୃଦ୍ଧି ପାଇଛି। XG ମୂଲ୍ୟ 97.81 ଟଙ୍କାରୁ 100.52 ଟଙ୍କାକୁ ବୃଦ୍ଧି ପାଇଛି। ମୁମ୍ବାଇରେ ମଧ୍ୟ ମୂଲ୍ୟ ବୃଦ୍ଧି ପାଇଛି ।