ବାଙ୍କୀ: ସାଧାରଣତନ୍ତ୍ର ଦିବସ ପରେଡ୍‌କୁ ଯିବା ବେଳେ ଅଘଟଣ । ପିକଅପ୍ ଭ୍ୟାନ ଓଲଟି ପଡ଼ିବାରୁ ଜଣେ ଛାତ୍ରଙ୍କ ମୃତ୍ୟୁ ହୋଇଛି । ୨୩ ଜଣ ଛାତ୍ରଛାତ୍ରୀ ଗୁରୁତର ଆହତ ହୋଇଛନ୍ତି । ବାଙ୍କୀ ଥାନା ମାଳବିହାରପୁର ହାଇସ୍କୁଲ୍‌ ପିଲାଙ୍କୁ ନେଇ ପିକଅପ୍‌ ଭ୍ୟାନଟି ସରଣ୍ଡା ପରେଡ୍ ଗ୍ରାଉଣ୍ଡକୁ ଯାଉଥିଲା । ମୃତକ ଦଶମ ଶ୍ରେଣୀ ଛାତ୍ର ସୌମ୍ୟ ରଞ୍ଜନ ବେହେରା ବୋଲି ସୂଚନା ମିଳିିଛି ।

ମାଳବିହାରପୁର ଗାଁ ବ୍ରିଜ ନିକଟରେ ଓଲଟି ପଡ଼ିଥିଲା ପିକଅପ୍ ଭ୍ୟାନ୍ । ଦୁର୍ଘଟଣାରେ ୨୦ରୁ ଅଧିକ ଛାତ୍ରଛାତ୍ରୀ ଆହତ ହୋଇଛନ୍ତି । ଗୁରୁତର ଆହତଙ୍କୁ ସୁବର୍ଣ୍ଣପୁର ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ପରେ ଆଠଗଡ଼ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି । ଆଠଗଡ଼ ହସ୍ପିଟାଲରୁ ୭ରୁ ୮ ଗୁରୁତରଙ୍କୁ କଟକ ବଡ଼ ଡାକ୍ତରଖାନା ସ୍ଥାନାନ୍ତର କରାଯାଇଛି ।

ହାଇସ୍କୁଲ୍‌ରେ ପତାକା ଉତ୍ତୋଳନ ପରେ ୨୫ରୁ ୩୦ ପିଲାଙ୍କୁ ନେଇ ପରେଡ୍ ଗ୍ରାଉଣ୍ଡକୁ ପିକଅପ୍ ଭ୍ୟାନଟି ଯାଉଥିଲା । କୌଣସି କାରଣରୁ ପିକଅପ୍‌ ଭ୍ୟାନଟି ଓଲଟି ପଡ଼ିବାରୁ ସମ୍ମୁଖ ଭାଗ ବାମ ପଟର ଚକଟି ଭାଙ୍ଗି ବାହାରି ଯାଇଥିଲା ।