କେନ୍ଦୁଝର: ଓଲଟିଲା ବ୍ରଏଲର କୁକୁଡ଼ା ବୋଝେଇ ପିକ୍ଅପ ଭ୍ୟାନ । କୁକୁଡ଼ା ବୋହି ନେଲେ ସ୍ଥାନୀୟ ଲୋକ । କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ୪୯ ନମ୍ବର ଜାତୀୟ ରାଜପଥର ଚିଲିଦା ନିକଟରେ ଦୁର୍ଘଟଣା । ଦୁର୍ଘଟଣାରେ ଏକାଧିକ କୁକୁଡା ମୃତ, ବଳକା କୁକୁଡ଼ାକୁ ବୋହି ନେଲେ ସ୍ଥାନୀୟ ଲୋକେ । ପିକ୍ଅପ ଭ୍ୟାନ କେନ୍ଦୁଝର ଆଡୁ କଲିକତା ଆଡ଼କୁ ଯାଉଥିବା ସମୟରେ ଭାରସାମ୍ୟ ହରାଇ ଓଲଟି ପଡିଥିଲା । ପୋଲିସ ପହଞ୍ଚି ଦୁର୍ଘଟଣା ଗ୍ରସ୍ତ ଗାଡିକୁ ଜବତ କରି ତଦନ୍ତ ଚଳାଇଛି ।

ଭୋରରୁ ଏକ ବ୍ରଏଲର କୁକୁଡ଼ା ବୋଝେଇ ପିକ୍ଅପ ଭ୍ୟାନ କେନ୍ଦୁଝର ଆଡୁ କଲିକତା ଆଡ଼କୁ ଯାଉଥିବା ସମୟରେ ଚିଲିଦା ନିକଟରେ ପିକ୍ଅପ ଭ୍ୟାନଟି ଭାରସାମ୍ୟ ହରାଇ ଓଲଟି ପଡିଥିଲା । ଦୁର୍ଘଟଣାରେ କୁକୁଡ଼ା ଏଣେତେଣେ ଛିଟିକି ପଡିଥିଲା । କୁକୁଡ଼ା ବୋଝେଇ ପିକ୍ଅପ ଓଲଟିଥିବା ଜାଣିବା ପରେ ଘଟଣାସ୍ଥଳରେ ସ୍ଥାନୀୟ ଲୋକେ ପହଞ୍ଚି କୁକୁଡ଼ା ସବୁ ନେଇ ପଳାଇ ଯାଇଥିଲେ ।