ଭୁବନେଶ୍ୱର: ଗୃହ ଚଲାଇ ଦେଉନାହାନ୍ତି ବିରୋଧୀ । ଲଗାତାର ତୃତୀୟ ଦିନ ପାଇଁ ବିଧାନସଭାରେ ଅଚଳାବସ୍ଥା । ଗୃହ ବାରମ୍ବାର ମୁଲତବୀ । ଜିଦ୍‌ରେ ଅଟଳ ବିଜେଡି, ଆଉ କଂଗ୍ରେସ୍ । ପ୍ରସଙ୍ଗ ବଦଳାଇ କରୁଛନ୍ତି ଆଟାକ୍ । ବାଚସ୍ପତିଙ୍କ ସର୍ବଦଳୀୟ ବୈଠକ ବି ଫେଲ୍ । ବୁଧବାର ପ୍ରଶ୍ନକାଳ ଆରମ୍ଭରୁ ଗୃହରେ ଆରମ୍ଭ ହୋଇଥିଲା ହଟ୍ଟଗୋଳ । ଏମିତିକି ରାଜ୍ୟପାଳଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ଆଲୋଚନାରେ ସାମିଲ ହେବନି କହି ଗୃହରୁ ୱାକ ଆଉଟ୍ କରିଥିଲେ ବିଜେଡି ବିଧାୟକ । ଏଘଟଣାକୁ ଗ୍ରହଣ କରିପାରୁ ନାହାଁନ୍ତି ବୁଦ୍ଧିଜୀବୀ ।

ଗୃହକୁ ମୁଲତବି ଘୋଷଣା କଲେ ବାଚସ୍ପତି ସୁରମା ପାଢ଼ୀ

୨୪ବର୍ଷ ଶାସନ କରିବା ପରେ ବି ମୋହମାୟା ଛାଡି ପାରୁନାହିଁ ବିଜେଡି । ନୁଆ ସରକାରଙ୍କ ପ୍ରଥମ ଅଧିବେଶନ ଭଣ୍ଡୁର କରିବା ପାଇଁ ଯୋଜନା କରାଯାଇଛି । ଗୃହ ନଚାଲିବା ଫଳରେ ଅନେକ ବିଷୟରେ ଆଲୋଚନା ହୋଇପାରୁନାହିଁ । ଫଳରେ ରାଜ୍ୟବାସୀ ଅସନ୍ତୋଷ ରହୁଛନ୍ତି । ଯଥାଶୀଘ୍ର ଏପରି କାର୍ଯ୍ୟରୁ ବିରୋଧୀ କ୍ଷାନ୍ତ ରୁହନ୍ତୁ ବୋଲି ବୁଦ୍ଧିଜୀବୀ ମତ ପ୍ରକାଶ କରିଛନ୍ତି ।
ବିଧାନସଭାରେ ବିଜେଡିର ହଟଗୋଳକୁ ସାଧାରଣ ଲୋକେ ନିନ୍ଦା କରିଛନ୍ତି । ବିଜେଡି ହାରିବାକୁ ସହଜେ ଗ୍ରହଣ କରିପାରୁନି । ବିଗତ 25 ବର୍ଷରେ କରିଥିବା ଦୁର୍ନୀତିର ପୋଲ ଖୋଲିଯିବା ଭୟରେ ବିଧାନସଭାରେ ହଟଗୋଳ କରୁଛି ବିଜେଡି । ବିଜେଡି ଭାବୁଛି ଏବେବି ସରକାରରେ ଅଛି । ଯାହା ସାଧାରଣରେ ଏକ ଆଲୋଚନାର ବିଷୟ ପାଲଟିଛି ।

ବିଜେପି ସରକାରକୁ ପ୍ରଶ୍ନ କରି ଫସିଗଲେ ବିଜେଡି ବିଧାୟକ ନିରଞ୍ଜନ ପୂଜାରୀ

Argus News | argus news | Odisha Latest News, Breaking News, Trending News, Live TV