ଭୁବନେଶ୍ୱର: କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଲୁଟ ଘଟଣା । ଅଭିଯୁକ୍ତକୁ ଧରି ସିନ୍‌ ରିକ୍ରିଏସନ୍‌ କରୁଛି ପୋଲିସ । ଘରେ କାମ କରୁଥିବା କର୍ମଚାରୀ ମାନଙ୍କୁ ପଚରା ଉଚରା କରୁଛି ପୋଲିସ । ଜଣ ଜଣ କରି ସମସ୍ତଙ୍କୁ ପଚରା ଉଚରା କରାଯାଉଛି । ଗୁରୁତ୍ୱପୂର୍ଣ୍ଣ ତଥ୍ୟ ପୋଲିସ ହାତରେ ଲାଗିଛି ।

ସେପଟେ ଗତ ୨ ଦିନ ତଳେ ନିରଞ୍ଜନ ପଟନାୟକଙ୍କ ଆଉ ଏକ ଘରୁ ଚୋରି ଉଦ୍ୟମ କରୁଥିବା ଚୋରକୁ ଗିରଫ କରିଛି ପୋଲିସ । ଅଭିଯୁକ୍ତ ର ଘର ଗଞ୍ଜାମ ଅଞ୍ଚଳରେ ବୋଲି ଜଣାପଡିଛି । ସେ ଗତ 5ଦିନ ହେବ ଜେଲରୁ ବାହାରିଥିଲା । ନିଶା ପାଇଁ ଏଭଳି ଚୋରି କରେ ବୋଲି ସୂଚନା ମିଳିଛି । ଗିରଫ ହୋଇଥିବା ଅଭିଯୁକ୍ତ ନାଁରେ 8ଟି ମାମଲା ଥିବା କଥା ଜାଣିବାକୁ ପାଇଛି ପୋଲିସ ।

ଓଡ଼ିଶା କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଭୁବନେଶ୍ୱରସ୍ଥିତ ବାସଭବନରୁ ଡକାୟତି ଘଟଣାରେ କମିଶନରେଟ୍ ପୋଲିସ ଜଣେ ଡକାୟତଙ୍କୁ ଗିରଫ କରିଛି । ଘଟଣାର ପ୍ରାୟ ୧୭ ଦିନ ପରେ ସ୍ଥାନୀୟ ପୋଲିସ ଦ୍ୱାରା ଗିରଫ ହୋଇଥିବା ହାଇ-ପ୍ରୋଫାଇଲ୍ ଡକାୟତଙ୍କୁ କମିଶନରେଟ୍ ପୋଲିସ ଗିରଫ କରିଛି।

ଜାନୁଆରୀ ୨୫ ରାତିରେ, ଚୋର ଭୁବନେଶ୍ୱରର ନୟାପଲ୍ଲୀ ଥାନା ଅନ୍ତର୍ଗତ ଭିଆଇପି କଲୋନିରେ ଥିବା ନିରଞ୍ଜନ ପଟ୍ଟନାୟକଙ୍କ ଘରର ମାଷ୍ଟର ବେଡରୁମରେ ପ୍ରବେଶ କରି ଚୋରି କରିଥିବା ଅଭିଯୋଗ ହୋଇଥିଲା । ନିରଞ୍ଜନଙ୍କ ବଡ଼ ପୁଅ ଦେବଜ୍ୟୋତି ପଟ୍ଟନାୟକ ଏବଂ ତାଙ୍କ ପରିବାର ରହୁଥିବା କୋଠାର ଦ୍ୱିତୀୟ ମହଲାରୁ ୫୦ ଲକ୍ଷ ଟଙ୍କାରୁ ଅଧିକ ମୂଲ୍ୟର ସୁନା ଅଳଙ୍କାର ସମେତ ନଗଦ ଟଙ୍କା ଏବଂ ସାମଗ୍ରୀ ଲୁଟି ନେଇଥିବା ଅଭିଯୋଗ ହୋଇଥିଲା ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | Odisha Latest News, Breaking News, Trending News, Live TV