କୋରାପୁଟ: ପୋଲିସ କନଷ୍ଟେବଲଙ୍କ ପାଇଁ ପ୍ରାତଃ ଭ୍ରମଣ ହେଲା କାଳ । ବୋରିଗୁମ୍ମା-କୋରାପୁଟ ୪୮ ନମ୍ବର ରାଜ୍ୟ ରାଜପଥ ଦୁଲାଗୁଡା ନିକଟରେ ଅଜଣା ଗାଡି ଧକ୍କା ଦେଇଛି । ଘଟଣାସ୍ଥଳରେ ହିଁ କନଷ୍ଟେବଳଙ୍କ ମୃତ୍ୟୁ ହୋଇଛି । ମୃତ ପୋଲିସ କର୍ମଚାରୀ ହେଲେ ପିତାମ୍ବର ପୂଜାରୀ । 

ସେ ପ୍ରତିଦିନ ପରି ଆଜି ମଧ୍ୟ ସକାଳ ୫.୩୦ ମିନିଟ୍ ସମୟରେ ଦୁଲାଗୁଡା ରାସ୍ତାରେ ଚାଲି ଚାଲି ଯାଉଥିଲେ । ହଠାତ ପଛପଟୁ ଏକ ଗାଡି ତାଙ୍କ ଉପରେ ମଡାଇ ଚାଲି ଯାଇଛି । ମୃତ ପୋଲିସ କର୍ମଚାରୀ ଜଣକ କୋଟପାଡ଼ ବ୍ଲକ ଗିର୍ଲା ଗ୍ରାମର ବୋଲି ଜଣାପଡିଛି  । ସେ ୬ମାସ ହେବ ବୋରିଗୁମ୍ମା ଥାନାରେ କନଷ୍ଟେବଳ ଭାବେ କାର୍ଯ୍ୟରତ ଥିଲେ । ଆଉ ୬ମାସ ପରେ ସେ ଅବସର ନେଇଥାନ୍ତେ । ଅବସର ପୂର୍ବରୁ ତାଙ୍କର ଦୁର୍ଘଟଣାରେ ମୃତ୍ୟୁ ଘଟିଛି । ପୋଲିସ ମୃତଦେହ ଉଦ୍ଧାର କରି ତଦନ୍ତ ଚଲାଇଛି ।