ଥାନାରୁ କଫ୍ ସିରଫ ଚୋରି କରି ସସପେଣ୍ଡ ହେଲେ ଥାନା ବାବୁ

ଥାନାରୁ ଚୋରି କରି ସସପେଣ୍ଡ ହେଲେ ଥାନା ବାବୁ । ସମ୍ବଲପୁର ଟାଉନ ଥାନା ଏସଆଇ ବିଦ୍ୟୁତ ରଞ୍ଜନ ପଣ୍ଡା ନିଲମ୍ବିତ । ଟାଉନ ଥାନା ପରିସରରୁ କଫ୍ ସିରଫ୍ ଭର୍ତ୍ତି ୨ଟି ବକ୍ସ ନେଇଯିବା ଅଭିଯୋଗରେ ନିଲମ୍ବନ କରାଯାଇଛି । ଏନେଇ ସମ୍ବଲପୁର ଏସପି ଜାଣିବା ପରେ ତାଙ୍କୁ ନିଲମ୍ବନ କରିଛନ୍ତି ।

କଫ୍ ସିରପ ଚୋରି କରି ଏଏସଆଇ ନିଲମ୍ବିତ । ନୂତନ ଭାବେ ଏଏସଆଇକୁ ପଦୋନ୍ନତି ପାଇଥିବା ସମ୍ବଲପୁର ଟାଉନ ଥାନାର ଏଏସଆଇ ବିଦ୍ୟୁତ ପଣ୍ଡା ନିଲମ୍ବିତ । ସମ୍ବଲପୁର ଏସପିଙ୍କ ନିର୍ଦ୍ଦେଶ କ୍ରମେ ତାଙ୍କୁ ନିଲମ୍ବନ କରାଯାଇଛି । ମିଳିଥିବା ସୂଚନା ଅନୁସାରେ ନିକଟରେ ଟାଉନ ପୋଲିସ ପ୍ରାୟ ୧୫ ହଜ଼ାର କଫ୍ ସିରପ ଜବତ କରିଥିଲା । ସେହି କଫ୍ ସିରପ ସବୁ ଥାନା ମାଲଖାନାରେ ରଖା ଯାଇଥିଲା ।

ଏଏସଆଇ ବିଦ୍ୟୁତ ପଣ୍ଡା ମାଲ ଖାନାରୁ ଚଞ୍ଚକତା କରି ସେଥିରୁ ଦୁଇ ପେଟି କଫ୍ ସିରପ ଅନ୍ୟତ୍ର ରଖି ଦେଇଥିଲେ । ଯାହା ପରବର୍ତ୍ତୀ ସମୟରେ ଅନ୍ୟ ଅଧିକାରୀ ମାନେ ଜାଣିବାକୁ ପାଇଥିଲେ । ଏହି ଘଟଣା ସମ୍ବଲପୁର ଏସପି ଜାଣିବା ପରେ ବିଦ୍ୟୁତ ପଣ୍ଡାକୁ ନିଲମ୍ବିତ କରିବା ସହ ଦୁଇ ପେଟି କଫ୍ ସିରପ ମଧ୍ୟ ଜବତ କରିଥିଲା ।