ଗୋଟିଏ ପଟେ ବାଲେଶ୍ୱର ଏଫ ଏମ କଲେଜ ଛାତ୍ରୀ ଭେଣ୍ଟିଲେଟର ରେ ମୃତ୍ୟୁ ସହ ସଂଗ୍ରାମ କରୁଥିବା ବେଳେ ଜୋର ଧରିଛି ପୀଡିତା ଙ୍କ ନ୍ୟାୟ ଦାବି । ସରକାରକୁ ଘେରିଲେ ବିରୋଧୀ । ମୁଖ୍ୟମନ୍ତ୍ରୀଙ୍କ ବାସଭବନ ସାମ୍ନାରେ.... ସେହିପରି ଉଚ୍ଚ ଶିକ୍ଷା ମନ୍ତ୍ରୀ ସୁରଜ ସୂର୍ଯ୍ୟବଂଶୀ ଙ୍କ ବାସ ଭବନ ଘେରିଛି ଛାତ୍ର କଂଗ୍ରେସ । ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡାଙ୍କ ଘର ଆଗରେ ନବ ନିର୍ମାଣ ଛାତ୍ର ସଂଗଠନ ଧାରଣ ଦେଇଥିଲେ ।

ସୋସିଆଲ ମିଡିଆ ଏକ୍ସ ହ୍ୟାଣ୍ଡେଲରେ ଛାତ୍ରୀ ଆତ୍ମାହୁତି ଉଦ୍ୟମ ଘଟଣାରେ ଉଦବେଗ ପ୍ରକାଶ କରିଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ । ଘଟଣାରେ ରାଜ୍ୟପାଳଙ୍କ ହସ୍ତକ୍ଷେପ ଦାବି କରିଛନ୍ତି ନବୀନ । ପିସିସି ସଭାପତି ଭକ୍ତଚରଣ ଦାସ କହିଛନ୍ତି, ଠିକ ଢଙ୍ଗରେ ତଦନ୍ତ ହେବାର ଆବଶ୍ୟକତା ରହିଛି । ମହିଳା କଂଗ୍ରେସର ଏକ ଟିମ ଆସନ୍ତାକାଲି ବାଲେଶ୍ଵର FM କଲେଜକୁ ଯିବ । ବିଜେପି ବିଧାୟକ ମାନସ ଦତ୍ତ କହିଛନ୍ତି ଏହା ଏକ ସମ୍ବେଦନଶୀଳ ପ୍ରସଙ୍ଗ । ବିରୋଧି ରାଜନୈତିକ ବୟାନବାଜି ନ କରନ୍ତୁ ।

ଗତ 5 ବର୍ଷ ରେ ରାଜ୍ୟ ରେ 70 ରୁ ଅଧିକ ଛାତ୍ର ଛାତ୍ରୀ ଆତ୍ମହତ୍ୟା କରିଥିବା ଘଟଣା ସାମ୍ନା କୁ ଆସିଛି ।  ତେବେ ଏଭଳି ସମ୍ବେଦନଶୀଳ ମାମଲା ରେ ଆଗକୁ ସରକାର ଙ୍କ କଣ ପଦକ୍ଷେପ ରହୁଛି ତାହା ଉପରେ ସମସ୍ତଙ୍କ ନଜର ।