ଆଠଗଡ଼: ଅଶାନ୍ତ ଆଠଗଡ଼ । ବୋମା ପରେ ଫୁଟିଲା ଗୁଳି । ଆଠଗଡ଼ ଥାନା କନ୍ତୋଲ ଗାଁରେ ଉତ୍ତେଜନା ପ୍ରକାଶ ପାଇଛି ବିଜେପି କର୍ମୀ ରମଜାନ ମହମ୍ମଦଙ୍କ ଘର ଉପରକୁ ଆକ୍ରମଣ ହୋଇଥିବା ଅଭିଯୋଗ ହୋଇଛି । ବିଳମ୍ବିତ ରାତିରେ ବିଜେଡିର ପ୍ରାୟ ୪୦ କର୍ମୀ ଏକାଠି ହୋଇ ଘର ଉପରକୁ ଆକ୍ରମଣ କରିବା ସହ ୪ଟି କାର ଓ ୫ଟି ବାଇକକୁ ଭାଙ୍ଗି ଦେଇଛନ୍ତି ।

ମୋଟ ୯ ଗୋଟି ଗାଡ଼ି ଭଙ୍ଗାରୁଜା କରିବା ସହ ୩ ରାଉଣ୍ଡ ଗୁଳି ଫୁଟାଇଥିବା ଆଠଗଡ଼ ଥାନାରେ ଅଭିଯୋଗ ହୋଇଛି । ସାଧାରଣ ନିର୍ବାଚନ ପରଠାରୁ ଆଠଗଡ଼ କନ୍ତୋଲ ଗାଁ ଏଭଳି ଅଶାନ୍ତ ହୋଇ ପଡ଼ିଛି । ନିକଟରେ ବିଜେଡି ଛାଡି କନ୍ତୋଲ ୧୭ ନମ୍ବର ୱାର୍ଡର ଅନେକ ଲୋକ ବିଜେପିରେ ଯୋଗ ଦେଇଥିଲେ । ଏହି ରାଗରେ ବିଜେପି କର୍ମୀ ରମଜାନ ମହମ୍ମଦଙ୍କ ଘର ଉପରକୁ ବିଜେଡି କର୍ମୀ ବାରମ୍ବାର ଆକ୍ରମଣ କରୁଥିବା ଅଭିଯୋଗ ହେଉଛି ।