ଭୁବନେଶ୍ୱର: ପ୍ରାକ୍ ବଜେଟ୍ ପରାମର୍ଶ ବୈଠକ ପରେ ମୁଖ୍ୟମନ୍ତ୍ରୀଙ୍କ ସୂଚନା । ୧୨ ହଜାରରୁ ଅଧିକ ଲୋକ ଅନଲାଇନରେ ମତାମତ ଦେଇଛନ୍ତି । ପୂର୍ବ ବର୍ଷ ତୁଳନାରେ ଏହା ୬ ଗୁଣା ଅଧିକ । ଲୋକଙ୍କ ଆଶା ପ୍ରତିଫଳିତ କରିବାକୁ ଉଦ୍ୟମ ଜାରି ରହିବ । ଆଜିର ବୈଠକରେ ୨୬ଟି ମୂଲ୍ୟବାନ ପ୍ରସ୍ତାବ ପାଇଛୁ । ବିଭାଗ ତରଫରୁ ମୂଲ୍ୟବାନ ପ୍ରସ୍ତାବ ଲିପିବଦ୍ଧ କରାଯାଇଛି । ଏସବୁ ପ୍ରସ୍ତାବ ବଜେଟରେ ପ୍ରତିଫଳିତ କରିବାକୁ ଚେଷ୍ଟା କରିବୁ କହିଲେ ମୁଖ୍ୟମନ୍ତ୍ରୀ । 

ଲୋକଙ୍କ ପାଇଁ ବଜେଟ୍ ଆସିବ । ଲୋକଙ୍କ ଆଶା ଆକାଂକ୍ଷା ବଜେଟରେ ପୂରଣ ହେବ । ଅନଲାଇନରେ ଲୋକଙ୍କ ମତାମତ ମଗାଇଥିଲା । ବର୍ତ୍ତମାନ ସୁଦ୍ଧା 12 ହଜାର ମତାମତ ଆସିଛି । ଯାହାକି ପୂର୍ବ ବର୍ଷ ତୁଳନାରେ 6 ଗୁଣା ଅଧିକ । ଆଜି ବୈଠକରେ ମଧ୍ୟ ଦେଢ଼ ଶହରୁ ଅଧିକ ବିଶେଷଜ୍ଞଙ୍କ ମତାମତ ନିଆଯାଇଛି । ବଜେଟ୍ ପ୍ରସ୍ତୁତିରେ ଲୋକଙ୍କ ମତାମତକୁ ଗୁରୁତ୍ୱ ଦିଆଯିବ । ଲୋକଙ୍କ ଆଶା ଆକାଂକ୍ଷା ପୂରଣ ହେବ ବୋଲି କହିଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ ।