ବଡ଼ କାର୍ଯ୍ୟକ୍ରମ ପାଇଁ ବଡ଼ ଆୟୋଜନ, ଶେଷ ପର୍ଯ୍ୟାୟରେ ପ୍ରସ୍ତୁତି
Key Points
ଆଉ ଦିନକ ପରେ ଭୁବନେଶ୍ବରରେ ଆୟୋଜିତ ହେବାକୁ ଯାଉଛି ପ୍ରବାସୀ ଭାରତୀୟ ଦିବସ ।
ଅର୍ଗସ ବ୍ୟୁରୋ: ଆଉ ଦିନକ ପରେ ଭୁବନେଶ୍ବରରେ ଆୟୋଜିତ ହେବାକୁ ଯାଉଛି ପ୍ରବାସୀ ଭାରତୀୟ ଦିବସ । ବଡ଼ କାର୍ଯ୍ୟକ୍ରମ ପାଇଁ ବଡ଼ ଆୟୋଜନ । ଶେଷ ପର୍ଯ୍ୟାୟରେ ପ୍ରସ୍ତୁତି । ଜାନୁଆରୀ ୮ ରୁ ୧୦ ଯାଏଁ ରାଜଧାନୀରେ ରହିବେ ଦେଶର ଶୀର୍ଷ ସୁରକ୍ଷା ପ୍ରାପ୍ତ ନେତାଙ୍କ ସମେତ ବିଦେଶରୁ ଆସୁଥିବା ବହୁ ଭିଭିଆଇପି ଅତିଥି । ପ୍ରବାସୀ ଭାରତୀୟ ସମ୍ମିଳନୀରେ ଯୋଗଦେବା ପାଇଁ ଆଜି ଭୁବନେଶ୍ବର ଆସୁଛନ୍ତି ବୈଦେଶିକ ମନ୍ତ୍ରୀ ଏସ୍.ଜୟଶଙ୍କର । ଏହି ତିନି ଦିନ ଓଡ଼ିଶା ପାଇଁ ବଡ଼ ସୁଯୋଗ । ବିଶ୍ବ ଦେଖିବ ଓଡ଼ିଆ କଳା, ସଂସ୍କୃତି ଓ ଅସ୍ମିତାର ଝଲକ ।
ଏଥିପାଇଁ ଜନତା ମଇଦାନଠୁ ଆରମ୍ଭ କରି ଭୁବନେଶ୍ବର ରାସ୍ତାଘାଟ, ଗଳିକନ୍ଦି ସବୁଠି ଓଡ଼ିଶା କଳାର ଛାପ ଦିଆଯାଇଛି । ସହରର ସ୍ବଚ୍ଛତା ଓ ପରିମଳ ଉପରେ ବିଶେଷ ଗୁରୁତ୍ବ ଦିଆଯାଉଛି। ବର୍ତ୍ତମାନ ସୁଦ୍ଧା ୩୫୦୦ ପ୍ରବାସୀ ଭାରତୀୟ ରେଜିଷ୍ଟ୍ରେସନ୍ କରଛନ୍ତି। ଆଗକୁ ଏହି ସଂଖ୍ୟା 7 ହାଜରରୁ ଅଧିକ ବି ହୋଇପାରେ । ପ୍ରବାସୀ ଭାରତୀୟ ଯେପରି ଓଡ଼ିଶାରୁ ଭଲ ଅନୁଭୂତି ନେଇ ଫେରିବେ ସେଥିପାଇଁ ସବୁ ବ୍ୟବସ୍ଥା ଉପରେ ଟିକିନିଖି ଧ୍ୟାନ ରଖାଯାଉଛି । ସେପଟେ ସୁରକ୍ଷା ଦୃଷ୍ଟିରୁ ପୁରା ସଜାଗ ଓଡ଼ିଶା ପୋଲିସ୍ ।
