ଭୁବନେଶ୍ୱର: ପ୍ରବାସୀ ଭାରତୀୟ ଦିବସରେ ଯୋଗଦେବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଆସନ୍ତା 9 ତାରିଖ ଅପରାହ୍ନ 3ଟାରେ ଗୌହାଟୀ ବିମାନ ବନ୍ଦରରୁ ଆସିବେ । ସ୍ଵତନ୍ତ୍ର ବିମାନରେ ଆସି ଅପରାହ୍ନ 4ଟା 35ରେ ଭୁବନେଶ୍ଵରରେ ପହଞ୍ଚିବେ । ଆସନ୍ତା 9 ତାରିଖରେ ରାଜଭବନରେ ରହଣି କରିବେ ମହାମହିମ । 10 ତାରିଖରେ ପ୍ରବାସୀ ଭାରତୀୟ ଦିବସରେ ଯୋଗଦେବେ ରାଷ୍ଟ୍ରପତି । ତ୍ରିନିଦାନ ଓ ଟୋବାଗୋର ରାଷ୍ଟ୍ରପତିଙ୍କ ସହିତ ସାକ୍ଷାତ ଆଲୋଚନା କରିବେ । କାର୍ଯ୍ୟକ୍ରମରେ ଯୋଗଦେଇ 10 ତାରିଖ ଅପରାହ୍ନ 5ଟା 25 ମିନିଟ୍‌ରେ ଫେରିଯିବେ । ରାଷ୍ଟ୍ରପତିଙ୍କ ଗସ୍ତ ସୂଚୀ ସମ୍ପର୍କରେ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି ।