ରେଭେନ୍ସା ବିଶ୍ବବିଦ୍ୟାଳୟର ୧୩ତମ ସମାବର୍ତ୍ତନ ସମାରୋହରେ ସାମିଲ୍ ହୋଇଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଏହି ଅବସରରେ ରେଭେନ୍ସାର ଅନୁଭୂତି ବଖାଣି ମହାମହିମ କହିଥିଲେ- ରେଭେନ୍ସା ଆଜି ଶାଳଗ୍ରାମ ପାଲଟିଯାଇଛି । ରେଭେନ୍ସା ଭାରତ ଓ ଓଡ଼ିଶାର ଜୀବନ୍ତ ଇତିହାସ । ଶିକ୍ଷା ବିକାଶ ଓ ନାରୀ ଜାଗୃତିର ପ୍ରମୁଖ ଅଂଶୀଦାର । ମଧୁବାବୁଙ୍କ ଅଦର୍ଶ ଭାବେ ଗ୍ରହଣ କରି ଶିଳ୍ପ ଜଗତରେ ପ୍ରବେଶ ପ୍ରୟାସ କରିବାକୁ ଛତ୍ରଛାତ୍ରୀଙ୍କୁ ପରାମର୍ଶ ଦେଇଥିଲେ ରାଷ୍ଟ୍ରପତି ।

ପରେ ନାରୀଶିକ୍ଷାର ଏନ୍ତୁଡ଼ିଶାଳ କୁହାଯାଉଥିବା ରେଭେନ୍ସା ବାଳିକା ହାଇସ୍କୁଲରେ ପୁନଃ ଉନ୍ନତିକରଣ ପ୍ରକଳ୍ପ କାର୍ଯ୍ୟର ଶିଳାନ୍ୟାସ କରିଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଷ୍ଟାର୍ ପ୍ରକଳ୍ପ ଯୋଜନାରେ କେନ୍ଦ୍ର ଶିକ୍ଷାମନ୍ତ୍ରାଳୟ ପକ୍ଷରୁ ବ୍ୟୟବରାଦ ହୋଇଥିବା ୮୭ କୋଟି ଟଙ୍କାର ପ୍ରକଳ୍ପର ଶିଳାନ୍ୟାସ କରିଛନ୍ତି ।

ଶିଳାନ୍ୟାସ କାର୍ଯ୍ୟକ୍ରମରେ ରାଜ୍ୟପାଳ, ମୁଖ୍ୟମନ୍ତ୍ରୀ, କେନ୍ଦ୍ର ଶିକ୍ଷାମନ୍ତ୍ରୀ, ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ଓ କଟକ ସାଂସଦ ଭର୍ତ୍ତୃହରି ମହତାବ ଯୋଗ ଦେଇଥିଲେ । ଏହି ଅବସରରେ ଧର୍ମେନ୍ଦ୍ର କହିଛନ୍ତି- ପ୍ରଧାନମନ୍ତ୍ରୀଙ୍କ କଳ୍ପନାରେ ବିକଶିତ ଭାରତ ଓ ବିକଶିତ ଓଡ଼ିଶାର ଲକ୍ଷ୍ୟକୁ ହାସଲ କରିବା ଦିଗରେ ରେଭେନ୍ସା ଏକ ଉତପ୍ରେରକ ଭଳି କାର୍ଯ୍ୟ କରିବ । ସ୍ଵର୍ଣ୍ଣ ପଦକ ହାସଲ କରିଥିବା ଛାତ୍ରଛାତ୍ରୀଙ୍କୁ ରାଷ୍ଟ୍ରପତି ଶୁଭେଚ୍ଛା ଜଣାଇଥିଲାବେଳେ ବେଶ୍ ଉତ୍ସାହିତ ଛାତ୍ରୀ ଓ ପୁରାତନ ଛାତ୍ରୀ ।

Argus News | argus news | Odisha Latest News, Breaking News, Trending News, Live TV