ଶ୍ରେଷ୍ଠ ଜିଲ୍ଲା ଭାବରେ କୋରାପୁଟକୁ ପିଏମ୍ ଆୱାର୍ଡରେ ସମ୍ମାନିତ କରିବେ ପ୍ରଧାନମନ୍ତ୍ରୀ
ଶ୍ରେଷ୍ଠ ଜିଲ୍ଲା ପୁରସ୍କାର ପାଇବ କୋରାପୁଟ । ଦେଶର ଶ୍ରେଷ୍ଠ ଜିଲ୍ଲା ଭାବରେ ପ୍ରଧାନମନ୍ତ୍ରୀ ପୁରସ୍କରା ପାଇବ କୋରାପୁଟ । କେନ୍ଦ୍ର ସରକାରଙ୍କ ୧୧ ଗୋଟି ଯୋଜନାର ରୂପାୟନ ସଂପର୍କରେ ଆକଳନ କରାଯାଇଥିଲା । କେନ୍ଦ୍ର ସରକାରଙ୍କ ଅଧିକାରୀମାନେ କୋରାପୁଟ ଜିଲ୍ଲା ଆସି ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା, ସକ୍ଷମ ଅଙ୍ଗନବାଡି ଓ ପୋଷଣ ,ପିଏମ ସୂର୍ଯ୍ୟଘର ମୁକ୍ତ ବିଜୁଳି ଯୋଜନା ,ପିଏମ ବିଶ୍ଵକର୍ମା , କିଷାନ କାର୍ଡ , ମିଶନ ଟୀକାକରଣ ,ପିଏମ ଜନ ଆରୋଗ୍ୟ ଯୋଜନା , ହରଘର ଜଳ (ଜଳ ଜୀବନ ମିଶନ), ପ୍ରଧାନମନ୍ତ୍ରୀ ସହର ଓ ଗ୍ରାମୀଣ ଆବାସ ଯୋଜନା ଠାରୁ ଆରମ୍ଭ କରି ଅନ୍ୟାନ୍ୟ ଯୋଜନାର ରୂପାୟନ ଆକଳନ କରିବା ସହ ହିତାଧିକାରୀମାନଙ୍କ ସହ ପୂର୍ବରୁ ଆଲୋଚନା କରିଥିଲେ ।
ବର୍ତ୍ତମାନ କେନ୍ଦ୍ର ସରକାରଙ୍କ ଏହି ସମସ୍ତ ୧୧ ଗୋଟି ଯୋଜନାକୁ କୋରାପୁଟ ଜିଲ୍ଲାରେ ସଫଳ ରୂପାୟନ କରି ପାରିଥିବାରୁ କୋରାପୁଟ ଜିଲ୍ଲାକୁ ଶ୍ରେଷ୍ଠ ଜିଲ୍ଲା ଭାବେ ପ୍ରଧାନମନ୍ତ୍ରୀ ପୁରସ୍କାର ଦେବା ପାଇଁ ମନୋନୀତ କରାଯାଇଛି । ବର୍ତ୍ତମାନ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଟ୍ବିଟର ମାଧ୍ୟମରେ କୋରାପୁଟ ଜିଲ୍ଲାପାଳ ଭି.କୀର୍ତି ଭାଷନଙ୍କୁ ଶୁଭେଚ୍ଛା ଜଣାଇଛନ୍ତି । ବର୍ତ୍ତମାନ ରାଜ୍ୟର 5 ଶ୍ରେଷ୍ଠ ଜିଲ୍ଲା ଭାବେ କୋରାପୁଟକୁ କେନ୍ଦ୍ର ସରକାରଙ୍କ ତରଫରୁ ସ୍ଥାନ ଦିଆଯାଇଥିବାରୁ କେନ୍ଦ୍ର ଓ ରାଜ୍ୟ ସରକାରଙ୍କୁ ଧନ୍ୟବାଦ ଜ୍ଞାପନ କରିଛନ୍ତି କୋରାପୁଟ ଜିଲ୍ଲାପାଳ ଭି.କୀର୍ତି ଭାଷନ ।
