ଅର୍ଗସ ବ୍ୟୁରୋ: କଟକ ଏସସିବି ମେଡିକାଲରେ ତୃତୀୟ ଚିକିତ୍ସାଧୀନଙ୍କ ମୃତ୍ୟ ଘଟିଛି। ପୁରୀ ବାଣ ବିସ୍ପୋରଣରେ ଆଉ ଜଣେ ଆହତ ଆଖି ବୁଜିଲେ। ମୃତକ ଙ୍କ ନାଁ ଦିବ୍ୟରଞ୍ଜନ ସାହୁ । ପ୍ଲାଷ୍ଟିକ ସର୍ଜରି ଆଇସିୟୁରେ ଚିକିତ୍ସା ଜାରି ରହିଥିଲା ବେଳେ ତାଙ୍କର ମୃତ୍ୟ ଘଟିଛି। ପୁରୀ ଚାପ ଖେଳ ବାଣ ବିସ୍ପୋରଣ ଦୁର୍ଘଟଣାରେ ଶତ ପ୍ରତିଶତ ଜଳି ଯାଇଥିଲେ ସେ। 

ପୁରୀ ବାଣ ବିସ୍ପୋରଣ ଘଟଣା: ଏସସିବିରେ ଗଲା ଆଉ ଜଣଙ୍କ ଜୀବନ

ଚିକିତ୍ସା ଠାରୁ କୌଣସି ସମ୍ପର୍କୀୟ କିମ୍ବା ପରିବାର ଲୋକେ ତାଙ୍କୁ ଯୋଗାଯୋଗ କରି ନ ଥିଲେ। ମେଡିକାଲ କର୍ତ୍ତୃପକ୍ଷ ପୁରୀ ଜିଲା ପ୍ରଶାସନକୁ ଯୋଗାଯୋଗ କରିଛନ୍ତି। ମର ଶରୀରକୁ ହସ୍ତାନ୍ତର କରିବା ପାଇଁ ଏସସିବି ମେଡିକାଲ କର୍ତ୍ତୃପକ୍ଷ ସୂଚନା ଦେଇଛନ୍ତି। ତେବେ ଏଯାବତ ଏସସିବିରେ  ୨ ଜଣ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥଲା ବେଳେ ଜଣେ ମେଡିକାଲରେ ଆଡମିଟ ହେବା ପୂର୍ବରୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। 
ତେବେ ବର୍ତ୍ତମାନ ୫ ଜଣ ଆହତ ଚିକିତ୍ସାଧୀନ ଅବସ୍ଥାରେ ରହିଛନ୍ତି। ୨ ଜଣ ପ୍ଲାଷ୍ଟିକ ସର୍ଜରୀ ବିଭାଗରେ ଥିବା ବେଳେ ଅନ୍ୟ ୩ଜଣ ଜେନେରାଲ ସର୍ଜରି ୱାର୍ଡରେ ରହିଛନ୍ତି।