କୋରାପୁଟ: ପୁଣ୍ୟ ମାସ କାର୍ତ୍ତିକ ଶୁକ୍ଳ ପକ୍ଷ ବଡ଼ ଏକାଦଶୀ ତିଥିରେ ମନ୍ଦିରମାନଙ୍କରେ ଭକ୍ତଙ୍କ ଭିଡ଼ ଲାଗି ରହିଛି । ସେହିପରି କୋରପୁଟ ଶାବର ଶ୍ରୀକ୍ଷେତ୍ରରେ ମଧ୍ୟ ଲୋକଙ୍କ ଗହଳି ଚହଳି ଲାଗିଛି । ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା ପୁରୀ ରଥଯାତ୍ରା ସମୟରେ ରଥରେ ବ୍ୟବହାର ହୋଇଥିବା ରଥର ଅଖ ଚକ ଆସି ଶାବର ଶ୍ରୀକ୍ଷେତ୍ରରେ ପହଞ୍ଚିଛି । 

କୋରପୁଟରେ ଚକ ପହଁଚିବା ପରେ ସହର ପରିକ୍ରମାରେ ନିଆଯାଇଥିଲା । ବାଜା କୀର୍ତ୍ତନ ସହ ଜୟ ଜଗନ୍ନାଥ ଧ୍ୱନି ଦିଆଯିବା ସହ ଭଜନ କୀର୍ତ୍ତନ କରି ବଡ଼ ଆଡମ୍ବରର ସହ ଶାବର ଶ୍ରୀକ୍ଷେତ୍ରରେ ଅସ୍ଥାୟୀ ସ୍ନାନ ମଣ୍ଡପରେ ଚକ ଅଖ ରଖାଯାଇଛି । 51 ହଜାର ଟଙ୍କାର ଏହି ଅଖ ଚକ ପୁରୀ ମନ୍ଦିର ପରିଚାଳନା କମିଟିଙ୍କୁ ଅର୍ଥ ପୈଠ କରଯାଇଥିଲା । 

 ପୁରୀ ଶ୍ରୀକ୍ଷେତ୍ର ରଥ ଯାତ୍ରା ସମୟରେ ରଥରେ ବ୍ୟବହାର ହେଇଥିବା ଏହି ରଥର ଅଖ ଚକକୁ ଦେଖିବାକୁ ଲୋକଙ୍କ ଗହଳି ଲାଗିଛି । କୋଟି କୋଟି ଶ୍ରଦ୍ଧାଳୁ ରଥ ଚକକୁ ନତ ମସ୍ତକ କରି ନିଜକୁ ଧନ୍ୟ ମନେ କରନ୍ତି । ଆଜି ସେହି ରଥ ଚକ କୋରାପୁଟରେ ପହଞ୍ଚିଛି । ଯାହାର ଦର୍ଶନ ପାଇଁ ଲୋକଙ୍କ ମଧ୍ୟରେ ପ୍ରବଳ ଉତ୍ସାହ ଭରିଯାଇଛି ।