IAS VRS / ସ୍ଵେଚ୍ଛାକୃତ ଅବସର ପାଇଁ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ଆବେଦନ, ହେଲେ କାହିଁକି ?

ଭୁବନେଶ୍ଵର: VRS (ସ୍ଵେଚ୍ଛାକୃତ ଅବସର) ଆବେଦନ କଲେ ବରିଷ୍ଠ IAS ଅଫିସର ଆର୍‌. ସନ୍ଥଗୋପାଳନ୍‌ । ତାଙ୍କ ଚାକିରି କାର୍ଯ୍ୟକାଳ ସରିବାକୁ ଆହୁରି ଦେଢ଼ ବର୍ଷ ବାକିଥିବା ବେଳେ VRS ଆବେଦନ କରିଛନ୍ତି । ଯାହା ବ୍ୟୁରୋକ୍ରାଟମାନଙ୍କ ମଧ୍ୟରେ ଚର୍ଚ୍ଚା ସହ ଆଲୋଚ୍ୟର ବିଷୟ ହୋଇଛି ।

ରାଜ୍ୟ ପ୍ରଶାସନିକ ସେବାରୁ ପୁଣି ଜଣେ ବରିଷ୍ଠ ଆଇଏଏସ୍‌ ଅଫିସର ସ୍ୱେଚ୍ଛାକୃତ ଅବସର ବା VRS ପାଇଁ ଆବେଦନ କରିଛନ୍ତି । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ବା CEO ତଥା ଅବକାରୀ ବିଭାଗର ପ୍ରମୁଖ ସଚିବ ଦାୟିତ୍ୱରେ ଥିବା ୨୦୦୧ ବ୍ୟାଚ୍‌ର ବରିଷ୍ଠ IAS ଅଫିସର ଆର୍‌. ସନ୍ଥଗୋପାଳନ୍‌ ଆଜି VRS ପାଇଁ ସରକାରଙ୍କ ନିକଟରେ ଆବେଦନ କରିଥିବା ଜଣାପଡ଼ିଛି ।

ଏଥିସହ ପଢ଼ନ୍ତୁ: ACF ସୌମ୍ୟ ରଞ୍ଜନ ମହାପାତ୍ର ମୃତ୍ୟୁ ମାମଲା: ବନ୍ଧା ହେବେ ବିଦ୍ୟାଭାରତୀ ! 

ନିଜର ଦୀର୍ଘ ପ୍ରଶାସନିକ କାର୍ଯ୍ୟକାଳ ମଧ୍ୟରେ ସେ ରାଜ୍ୟ ସରକାରଙ୍କ ଗୁରୁତ୍ୱପୂର୍ଣ୍ଣ ବିଭାଗଗୁଡ଼ିକର ସଫଳତାର ସହ ଦାୟିତ୍ୱ ତୁଲାଇଛନ୍ତି । ତାଙ୍କର ସେବାକାଳ ଆଉ ପ୍ରାୟ ଦେଢ଼ ବର୍ଷ ବାକି ଥିବା ବେଳେ, ହଠାତ୍‌ ସେ କାହିଁକି ସ୍ୱେଚ୍ଛାକୃତ ଅବସର ନେବାକୁ ନିଷ୍ପତ୍ତି ନେଲେ, ତାହାର ପ୍ରକୃତ କାରଣ ବର୍ତ୍ତମାନ ସୁଦ୍ଧା ଅସ୍ପଷ୍ଟ ରହିଛି ।

ତେବେ IAS ଅଫିସର ଆର୍‌. ସନ୍ଥଗୋପାଳନ୍‌ଙ୍କ ହଠାତ୍‌ ଆବେଦନକୁ ନେଇ ପାୱାର କରିଡରରେ ଜୋରଦାର ଚର୍ଚ୍ଚା ଆରମ୍ଭ ହୋଇଛି । ବ୍ୟକ୍ତିଗତ କାରଣରୁ ନା ଅନ୍ୟ କାରଣରୁ IAS ଅଫିସର ଆର୍‌. ସନ୍ଥଗୋପାଳନ୍‌ ସ୍ଵେଚ୍ଛାକୃତ ଆବେଦନ କରିଛନ୍ତି ତାହା ଜଣାପଡ଼ି ନାହିଁ ।

ଦେବାଶିଷ ସିଂହ ହେଲେ ସୁବର୍ଣ୍ଣପୁର ଜିଲ୍ଲାପାଳ

ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନିର୍ଦ୍ଦେଶକ୍ରମେ ସୁବର୍ଣ୍ଣପୁର ଜିଲ୍ଲାରେ ନୂଆ ଜିଲ୍ଲାପାଳଙ୍କୁ ନିଯୁକ୍ତ କରାଯାଇଛି । ସୁବର୍ଣ୍ଣପୁର ଜିଲ୍ଲାର ନୂଆ ଜିଲ୍ଲାପାଳ ଭାବେ IAS ଅଧିକାରୀ ଦେବାଶିଷ ସିଂହଙ୍କୁ ନିଯୁକ୍ତି ମିଳିଛି । ଏବେ ଦେବାଶିଷ ସିଂହ ସାଧାରଣ ପ୍ରଶାସନ ଓ ଅଭିଯୋଗ ବିଭାଗର ଅତିରିକ୍ତ ସଚିବ ଅଛନ୍ତି ।

ବ୍ରେକିଂ ଖବର... ଅପଡେଟ୍ ଜାରି ରହିଛି...