SI ଚାକିରି କେଳେଙ୍କାରୀ ମାମଲାରେ ଗତକାଲି ଗୋଟିଏ ଦିନରେ 4 ଜଣ ଅଭିଯୁକ୍ତଙ୍କୁ ବାନ୍ଧିବା ପରେ ଆକ୍ସନ ଜାରି ରଖିଛି କ୍ରାଇମବ୍ରାଞ୍ଚ । ଗିରଫ ଅନ୍ୟତମ ମୁଖ୍ୟ ଅଭିଯୁକ୍ତ ମୁନା ମହାନ୍ତିର ଘରେ ହୋଇଛି ରେଡ୍ । ବାଙ୍କୀ କଳାପଥରରେ ଥିବା ଇଏ ମୁନ୍ନାର ଆଲିସାନ୍ ବଙ୍ଗଳା। ବାହାରୁ ତ ଚକାଚକ, ଭିତରେ ବି ସବୁ ବିଳାସପୂର୍ଣ୍ଣ ବ୍ୟବସ୍ଥା । ଘରକୁ ଦେଖିଲେ ଜଣାପଡୁଛି ମୁନ୍ନା ମହାନ୍ତିର ଷ୍ଟାଟସ୍ ।


ଗତକାଲି କ୍ରାଇମବ୍ରାଞ୍ଚ ଚଢ଼ାଉରେ ଜବତ ହୋଇଥିଲା ମୁନ୍ନା ମହାନ୍ତିର 2ଟି ଟିପର, ଗୋଟିଏ ସ୍କର୍ପିଓ ଓ ଥର ଗାଡ଼ି। ସ୍ଥାବର, ଅସ୍ଥାବର ମିଶାଇ କୋଟି କୋଟି ଟଙ୍କାର ସମ୍ପତ୍ତି । ଅତି ଗରିବ ଘରର ମୁନ୍ନା ମହାନ୍ତି । ଚା ଦୋକାନୀରୁ ସେ କେମିତି ହେଲା କୋଟି ପତି । ତାର ଛାନଭିନ୍ କରୁଛି କ୍ରାଇମବ୍ରାଞ୍ଚ । ମୁନ୍ନାର ବାପା ଦିନମଜୁରିଆ ବୋଲି କହନ୍ତି ପାଖ ପଡୋଶୀ । ମାଟ୍ରିକ ଫେଲ୍ ପରେ ମୁନ୍ନା ଭୁବନେଶ୍ବର ଆସିଥିଲା । 9 ନମ୍ବର ବାୟାବାବା ମଠ ପାଖରେ ଚା’ ଦୋକାନ କରିଥିଲା। ତା’ ପରେ ସେ ଜମି ବେପାରରେ ପଶିଲା । ଜମି ବେପାରରୁ ପଶିଲା ପରୀକ୍ଷା ଜାଲିଆତିରେ । ପିଲାଙ୍କୁ ଠକି ଲୁଟୁଥିବା କଳାଟଙ୍କାରେ କରି ଚାଲିଲା ଅଏସ୍ ।

ଏଥିସହ ପଢ଼ନ୍ତୁ: ମାଷ୍ଟର ମାଇଣ୍ଡ ମୁନ୍ନା ମହାନ୍ତି ଓ ସହଯୋଗୀକୁ ଲୁଚାଇଥିଲେ ବିଜେଡି ନେତା ଅଭିମନ୍ୟୁ ଦୋରା

ମୁନ୍ନା ସହ ବନ୍ଧା ହୋଇଥିବା ମୁନ୍ନାର କେଳେଙ୍କାରୀ ପାର୍ଟନର ଶ୍ରୀକାନ୍ତ ମହାରଣା ଓରଫ୍ ରିଙ୍କୁ ବି କ୍ରାଇମବ୍ରାଞ୍ଚ ସ୍କାନରରେ । ପରୀକ୍ଷା କେଳେଙ୍କାରୀ ପାଇଁ ଶଙ୍କର ପୃଷ୍ଟି ନିର୍ଦ୍ଦେଶରେ କାମ କରୁଥିଲା ମୁନ୍ନା ମହାନ୍ତି । ମୁନ୍ନା ଓ ରିଙ୍କୁ ପ୍ରସ୍ତୁତ କରିଥିଲେ ବ୍ଲୁପ୍ରିଣ୍ଟ । ଆଶାୟୀଙ୍କୁ ଏକାଠି କରି ବସରେ ବିଜୟନଗରମ୍ ପଠାଇବାର ବ୍ୟବସ୍ଥା କରିଥିଲେ । ଅଭିଯୋଗ, ଖାଲି ଚାକିରି କେଳେଙ୍କାରୀ ନୁହେଁ ବାଲିଘାଟ ନିଲାମ ଓ ଟ୍ରାନ୍ସପୋର୍ଟ ବିଜନେସରେ ବି ଥିଲା ଏମାନଙ୍କର ଦବଦବା । ମୁନ୍ନାର ଦଶପଲା ଲିଙ୍କର ଖୁଲାସା କରିଥିଲା ଅର୍ଗସ । ମୁନ୍ନାର 2 ଟିପର ଦଶପଲ୍ଲାର ଏକ ପେଟ୍ରୋଲ ପମ୍ପରେ ଥିବା ଅକ୍ଟୋବର 6ରେ ହୋଇଥିଲା ଖବର ପ୍ରସାରଣ। ଗାଡି ମୁନ୍ନାର ବୋଲି ପ୍ରମାଣ ବି ଦେଖାଇଥିଲା ଅର୍ଗସ ନ୍ୟୁଜ୍ ।

ଅଧିକ ପଢ଼ନ୍ତୁ ଓଡ଼ିଶା ଖବର: