ଅର୍ଗସ ବ୍ୟୁରୋ: ମାଳ ମାଳ ରାସନ କାର୍ଡ । ଗରିବ ସରକାରୀ ଅଫିସ ଦୌଡ଼ି ଦୌଡ଼ି ନୟାନ୍ତ । କୋଠା ଉପରେ କୋଠା ଗଢିଥିବା ବାବୁ ହାତେଇଛନ୍ତି ରାସନ କାର୍ଡ । ବାଲେଶ୍ବରରେ ତଥ୍ୟ ଅନୁଯାଇ ବାଲିଆପାଳ ବ୍ଲକରେ ୪୨ହଜାରରୁ ଉର୍ଦ୍ଧ ରାସନ କାର୍ଡ ଧାରୀ ରହିଛନ୍ତି । ୧ଲକ୍ଷ ୫୪ହଜାର ହିତାଧିକାରୀ ରହିଛନ୍ତି । ସେଥି ମଧ୍ୟରୁ ଅଯୋଗ୍ୟ ହେଉଛନ୍ତି ୧୬୫ ଜଣ। ସେହିପରି ବାହାନଗା ବ୍ଲକରେ ୨୪ ପଞ୍ଚାୟତରେ ୧ଲକ୍ଷ ୧୪ହଜାର ହିତାଧିକାରୀ ରହିଥିବା ବେଳେ ୧୭୭ଜଣ ରହିଛନ୍ତି ଅଯୋଗ୍ୟ । ସିମୁଳିଆ ବ୍ଲକରେ ୨୨ ପଞ୍ଚାୟତରେ ୨୮ ହଜାର ୬୬୪ ଜଣ କାର୍ଡଧାରୀ ରହିଥିବା ବେଳେ ୧ଲକ୍ଷ ୬ ହଜାର ୩୬୧ଜଣ ହିତାଧିକାରୀ ରହିଛନ୍ତି। ସେଥି ମଧ୍ୟରୁ ୧୦୪ କାର୍ଡରୁ ୪୧୪ଜଣ ଅଯୋଗ୍ୟଥିବା E-KYC ମାଧ୍ୟମରେ ଜଣାପଡିଛି।

ଅନ୍ୟପକ୍ଷରେ ଦୀର୍ଘ ଦିନରୁ ରାସନ କାର୍ଡ ପାଇବା ପାଇଁ ବାହାନଗା ଓ ସିମୁଳିଆ ଅଞ୍ଚଳର ସାଧାରଣ ଲୋକେ ଆବେଦନ କରିଛନ୍ତି । ହେଲେ କାର୍ଡ ଖଣ୍ଡେ ପାଇ ପାରୁ ନାହାଁନ୍ତି କି ଚାଉଳ ଗଣ୍ଡେ ମିଳୁନାହିଁ ହେଲେ ଜିଲ୍ଲାରେ ହଜାର ହଜାର ଅଯୋଗ୍ୟ ହିତାଧିକାରୀ ପୁଲିସ ଅଫିସର, ଫରେଷ୍ଟ ଅଫିସର ଏପରିକି ଉଚ୍ଚ ପଦସ୍ତ ଅଧିକାରୀ ଏହି ଅଯୋଗ୍ୟ ତାଲିକାରେ ରହିଛନ୍ତି । ଯୋଗାଣ ମନ୍ତ୍ରୀ କହିଛନ୍ତି ଅଯୋଗ୍ୟ ହିତାଧିକାରୀଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ।

ପ୍ରଥମ ପର୍ଯ୍ୟରେ E-KYC ମାଧ୍ୟମରେ କେବଳ ବାଲେଶ୍ବର ଜିଲ୍ଲାରେ ହଜାର ହଜାର ଅଯୋଗ୍ୟଙ୍କ ସଂଖ୍ୟା ସାମ୍ନାକୁ ଆସିଥିବା ବେଳେ ସାରା ରାଜ୍ୟରେ କେତେ ଅଯୋଗ୍ୟ ରହିଛନ୍ତି । ତାହା ଭାବିଲେ ଆଶ୍ଚର୍ଯ୍ୟ ଲାଗୁଛି ।

ଅଧିକ ପଢ଼ନ୍ତୁ ଓଡିଶା ଖବର:

Argus News | argus news | -Argusnews Home: Odisha Latest News, Breaking News, Trending News, Live TV and more