ଅର୍ଗସ ବ୍ୟୁରୋ: ସାମ୍ବାଦିକଙ୍କ ପାଇଁ ହଟିଲା କଟକଣା। ଏଥର ଲୋକସେବା ଭବନ ଯାଇପାରିବେ ସାମ୍ବାଦିକ। ବିଜେଡ଼ି ସରକାର ଲଗାଇଥିବା ପ୍ରତିବନ୍ଧକକୁ ହଟାଇଲେ ବିଜେପି ସରକାର । କୋଭିଡ ପରେ ବିଜେଡ଼ି ସରକାର ଲୋକସେବା ଭବନକୁ ସାମ୍ବାଦିକଙ୍କ ନିୟମିତ ପ୍ରବେଶ ଉପରେ ରୋକ ଲଗାଇଥିଲେ। ବର୍ତ୍ତମାନ ଲୋକସେବା ଭବନକୁ ସାମ୍ବାଦିକଙ୍କ ପ୍ରବେଶକୁ ମିଳିଛି ଅନୁମତି। ଏନେଇ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଉଭୟ ସ୍ଵୀକୃତି ପ୍ରାପ୍ତ ଏବଂ ଅଣ ସ୍ଵୀକୃତିପ୍ରାପ୍ତ ସାମ୍ବାଦିକଙ୍କୁ ଅନୁମତି ମିଳିଛି । ଟିଭି ଓ ଖବରକାଗଜର ଜଣେ ଲେଖାଏଁ ସାମ୍ବାଦିକ ଲୋକସେବା ଭବନକୁ ଯାଇପାରିବେ । ଏନେଇ ଅନଲାଇନ ଫର୍ମରେ ଆବେଦନ କରିପାରିବେ ସାମ୍ବାଦିକ । ଉପଯୁକ୍ତ ପରିଚୟ ପତ୍ର ଦେଇ କରିପାରିବେ ଆବେଦନ । ଟିଭି ଗଣମାଧ୍ୟମର ଜଣେ ରିପୋର୍ଟର ଓ ଜଣେ କ୍ୟାମେରାମ୍ୟାନ ଲୋକସେବା ଭବନକୁ ପ୍ରବେଶ କରିପାରିବେ ।