ଅର୍ଗସ ବ୍ୟୁରୋ: ଗଞ୍ଜାମ ଜିଲ୍ଲା ଆସିକା ଋଷିକୁଲ୍ୟା ନଦୀରେ ମକର ବୁଡ ପକାଇ ଘରକୁ ଫେରିଲା ବେଳେ ଓଲଟିଲା ଅଟୋ ରିକ୍ସା। ଏହି ଦୁର୍ଘଟଣାରେ ୧୦ଜଣ ଗରୁତର ହୋଇଛନ୍ତି। ସୂଚନା ଅନୁସାରେ ପାଟପୁର ଡେଙ୍ଗାଡ଼ି ଗାଁ ର ୧୭ ଉର୍ଦ୍ଧ୍ବ ଲୋକ ଆସିକା ଋଷିକୁଲ୍ୟା ନଦୀକୁ ମକର ବୁଡ ପକାଇବାକୁ ଆସିଥିଲେ। ହେଲେ ବୁଡ ପକାଇ ଘରକୁ ଫେରୁଥିବା ସମୟରେ ପୁଡୁକେଶ୍ୱର ମନ୍ଦିର ନିକଟରେ ଅଟୋ ରିକ୍ସା ଓଲଟି ଯିବାରୁ ୧୦ ଜଣ ଗୁରୁତର ହୋଇଛନ୍ତି।

ଗୁରୁତର ମାନଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଥିବା ବେଳେ ଅନ୍ୟ ଆହତ ମାନେ ଆସିକା ଉପଖଣ୍ଡ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି।