କଟକ: ୭୬ ବଲ୍ ୧୦୨ ରନ୍ । ବାରବାଟିରେ ରୋହିତ ଶର୍ମାଙ୍କ ବିସ୍ଫୋରକ ଶତକ । ଇଂଲଣ୍ଡ ବିପକ୍ଷ ଦ୍ଵିତୀୟ ଦିନିକିଆରେ ଚମକପ୍ରଦ ବ୍ୟାଟିଂ କରିଛନ୍ତି ରନ୍ ମେସିନ୍ ରୋହିତ । ୭୬ଟି ବଲ୍‌ରେ ୭ ଛକ୍କା ଓ ୯ ଚୌକା ଜରିଆରେ ଅଧିନାୟକ ରୋହିତ ଶର୍ମା ଶତକୀୟ ପାଳି ଖେଳିଛନ୍ତି । ବାରବାଟି ଗ୍ରାଉଣ୍ଡରେ ଇଂଲଣ୍ଡ ବୋଲରୁ ଖୁବ୍ ଧୋଇଛନ୍ତି ରୋହିତ ଶର୍ମା । ଏଥିସହ ତାଙ୍କ ସମାଲୋଚକଙ୍କୁ ଦେଇଛନ୍ତି କଡ଼ା ଜବାବ ।

ପ୍ରାୟ ୧୬ ମାସ ପରେ କ୍ରିକେଟ୍ ପ୍ରେମୀ ରୋହିତ ଶର୍ମାଙ୍କ ବ୍ୟାଟରୁ ଶତକ ଦେଖିଛନ୍ତି । ଏହା ପୂର୍ବରୁ ୨୦୨୩ ଅକ୍ଚୋବର ୧୧ରେ ରୋହିତ ଆଫଗାନିସ୍ତାନ ବିପକ୍ଷରେ ଖେଳିଥିଲେ ଶତକୀୟ ପାଳି । ଦିଲ୍ଲୀରେ ଖେଳା ଯାଇଥିବା ଦିନିକିଆରେ ରୋହିତ ୧୩୧ ରନ ସ୍କୋର ଖେଳିଥିଲେ ।

ବାରବାଟୀରେ ଇଂଲଣ୍ଡ ଟିମ୍ ପ୍ରଥମେ ବ୍ୟାଟିଂ କରି ୪୯.୫ ଓଭରରେ ସମସ୍ତ ୱିକେଟ୍ ହରାଇ ୩୦୪ ରନ୍ କରିଥିଲା । ୩୦୫ ରନ୍‌ର ପିଛା କରି ଭାରତ ପକ୍ଷରୁ ଓପନିଂ କରିଥିଲେ ରୋହିତ ଶର୍ମା ଓ ଶୁବମନ ଗିଲ୍ । ୫୨ ବଲ୍‌ରେ ଗୋଟିଏ ଛକ୍କା ଓ ୯ ଚୌକା ମାରି ଆଉଟ୍ ହୋଇଥିଲେ ଶୁବମନ୍ ଗିଲ୍ । ଏହା ପରେ ବିରାଟ କୋହଲି ଆସିଥିଲେ ବି ଫ୍ଲପ୍ ହୋଇଥିଲେ । ୮ଟି ବଲ୍‌ରେ ଗୋଟିଏ ଚୌକା ସହ ମାତ୍ର ୫ ରନ୍ କରି ବିରାଟ ପ୍ୟାଭିଲିୟନ୍ ଫେରିଥିଲେ ।

କିନ୍ତୁ ବାରବାଟୀ ଦେଖିଥିଲା ରୋହିତଙ୍କ ରନ୍ ବର୍ଷା । ଆରମ୍ଭରୁ ଆଟାକିଂ ମୁଡ୍‌ରେ ଥିଲେ ହିଟ୍‌ ମ୍ୟାନ୍ ଭାବେ ପରିଚିତ ରୋହତ ଶର୍ମା । ୯୦ ବଲ୍‌ରେ ୮ ଛକ୍କା ଓ ୧୨ ଚୌକା ମାରି ୧୧୯ ରନ୍ ସ୍କୋର୍ କରିଥିବା ରୋହିତ କ୍ୟାଚ୍ ଆଉଟ୍ ହୋଇଛନ୍ତି । ୨୯.୪ ଓଭର ସୁଦ୍ଧା ଭାରତ ୩ ୱିକେଟ୍ ହରାଇ ୨୨୦ ରନ୍ କରିଛି । ବିଜୟ ଲାଗି ୨୦.୨ ଓଭରରେ ଭାରତକୁ ଆବଶ୍ୟକ ଆଉ ୮୫ ରନ୍ ।

Argus News: ଓଡ଼ିଶାର ଖବର | Breaking News, ରାଜନୀତି, କ୍ରୀଡ଼ା ଓ Live TV