ଦିବ୍ୟାଙ୍ଗ ଦମ୍ପତିଙ୍କ କରୁଣ କାହାଣୀ, ଦିବ୍ୟାଙ୍ଗ ହୋଇ କାହା ପାଖରେ ହାତ ପୋତିବା ଶିଖି ନାହାନ୍ତି ଦୁଇ ସ୍ୱାମୀ ସ୍ତ୍ରୀ l ଉଭୟ ଦୁଇ ଜଣ ଠିକ ସେ ଚାଲି ବି ପାରନ୍ତି ନାହିଁ ତଥାପି ହାର ମାନିନାହାନ୍ତି ଜୀବନରେ ସଂଗ୍ରାମ କରିବା ପାଇଁ l ସକାଳ ହେଲେ ପରିବାର ଚଳିବା ଚିନ୍ତା, ଦୁଇ ପୁଅ ଝିଅଙ୍କୁ ବଡ଼ ମଣିଷ କରିବା ଚିନ୍ତା l କିନ୍ତୁ ଦିବ୍ୟାଙ୍ଗ ଦମ୍ପତି କରିବେ କଣ କିଛି ଉପାୟ ନପାଇ ଦୌଡ଼ି ତିଆରି କରି ପରିବାର ପୋଷିବା ପାଇଁ ଚଲେଇଛନ୍ତି ସଂଗ୍ରାମ l ସକାଳ ହେଲେ ପ୍ଲାଷ୍ଟିକ ବସ୍ତା କାଢ଼ି ଲାଗିପଡ଼ନ୍ତି ଉଭୟ ଦୌଡ଼ି ତିଆରି ପାଇଁ ଏବଂ ସମୟ ପାଇଲେ ଘରକୁ ଘର, ହାଟ ଅବା ବଜାରକୁ ନେଇ ବିକ୍ରି କରନ୍ତି ଦୌଡ଼ି । ସେଥିରୁ ଯାହା ରୋଜଗାର ହୁଏ କଷ୍ଟେ ମଷ୍ଟେ ପରିବାର ଚଳନ୍ତି l ଏହି ଚିତ୍ର ହେଉଛି ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମୈଦଲପୁର ପଞ୍ଚାୟତ ଅନ୍ତର୍ଗତ ଗୋପିଗୁଡା ଗ୍ରାମରେ l ପରିବାର କହିଲେ ଦିବ୍ୟାଙ୍ଗ ପ୍ରହ୍ଲାଦ ମଙ୍ଗଲୀ ସ୍ତ୍ରୀ ଟୀକା ମଙ୍ଗଲୀ ଏବଂ ଦୁଇ ପୁଅ ଝିଅ l

ନିଜର ଏକ ସ୍କୁଟି ଅଛି ତାହାବି ଲୋନ ଆକାରରେ ଆଣି ସୁଝିବାକୁ ପଡୁଛି l ସେଇ ସ୍କୁଟିରେ ଗାଁକୁ ଗାଁ ବୁଲି ବିକ୍ରି କରିଥାନ୍ତି ହାତ ବୁଣା ଦୌଡ଼ି l ସରକାରୀ ସହାୟତା କହିଲେ ମା'ଙ୍କ ଚାଉଳ କାର୍ଡ ରେ ୧୦ kg ଚାଉଳ ସହ ସ୍ୱାମୀ ଙ୍କୁ ୧୨୦୦ ଟଙ୍କା ଭତା ଓ ସ୍ତ୍ରୀ ଙ୍କୁ ୧୦୦୦ ଟଙ୍କା ଭତା ମିଳୁଛି l ସବୁଠୁ ଦୁଃଖ ଏବଂ ପରିତାପର ବିଷୟ ବାରମ୍ବାର ଅଭିଯୋଗ ପରେ ବି ଦୁଇ ଦିବ୍ୟାଙ୍ଗଙ୍କୁ ବର୍ତମାନ ପର୍ଯ୍ୟନ୍ତ ସରକାରଙ୍କ ଆବାସ ଯୋଜନାରେ ସାମିଲ ହୋଇ ପାରିନାହାନ୍ତି l ଭଙ୍ଗା ଦଦରା ଘରେ ଦୟନୀୟ ଅବସ୍ଥାରେ କଟୁଛୁ ଏହି ପରିବାରର ଜୀବନ l ଘର ତିଆରି କରିବା ଦୂର କଥା ପରିବା ଚାଲିବା ପାଇଁ ସଂଗ୍ରାମ କରୁ କରୁ ହାର ମାନି ନାହାନ୍ତି ଜୀବନ ବାଜିରେ l ଉଭୟ ଦମ୍ପତିଙ୍କ ଦୁଃଖରେ ଦୁଖି ହୋଇ ଗ୍ରାମବାସୀ ପ୍ରଶାସନକୁ ଗୁହାରି କରିଛନ୍ତି ଏହି ପରିବାରକୁ ସହାୟତା ଯୋଗେଇବା ନିମନ୍ତେ l

ଏହି ଦିବ୍ୟାଙ୍ଗ ଦମ୍ପତିଙ୍କ କାହାଣୀ ଶୁଣିଲା ବେଳକୁ ନିହାତି ଭାବରେ ସମାଜକୁ ପ୍ରେରଣା ଯୋଗାଉଛି l ସାମ୍ପ୍ରତିକ ଯୁଗରେ କେହି କେହି ହାତ ଗୋଡ ଭଲ ଥାଇ ମଧ୍ୟ କାମ ଧନ୍ଦା ନକରି ଅଳସୁଆ ଜୀବନ ବିତାଉଥିବା ବେଳେ ଏହି ଦୁଇ ଦମ୍ପତି ସମସ୍ତଙ୍କ ପାଇଁ ଉଦାହରଣ l ପ୍ରଶାସନ ଅବା କୌଣସି ସାମାଜିକ ସଂଗଠନ ପକ୍ଷରୁ ଏମାନଙ୍କୁ କିଛି ସହାୟତା ଯୋଗେଇଲେ ହୁଏ ତ ଏହି ପରିବା ସ୍ଵଛଳ ହୋଇପାରିଥାନ୍ତେ l

ଅଧିକ ପଢ଼ନ୍ତୁ ଓଡ଼ିଶା ଖବର: