ବହୁର ବଡ଼ ଅଧ୍ୟାୟରେ "ପାଣ୍ଡିଆନ ପଜଲ" ଶୀର୍ଷକ

ଅର୍ଗସ ବ୍ୟୁରୋ: ଚର୍ଚ୍ଚାରେ ବରିଷ୍ଠ ସାମ୍ବାଦିକ ତଥା ଖ୍ୟାତନାମା ଲେଖକ ରୁବେନ୍ ବାନାର୍ଜୀଙ୍କ ପୁସ୍ତକ । 2024 ନିର୍ବାଚନ ପରେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସଂଶୋଧିତ ଜୀବନୀ ଉପରେ ଆଧାରିତ ଜୀବନୀ ଉପରେ ଆଧାରିତ ପୁସ୍ତକ ଉନ୍ମୋଚିତ କରିଛନ୍ତି ରୁବେନ୍ । ଯେଉଁଥିରେ ପାଣ୍ଡିଆନଙ୍କ ଆବିର୍ଭାବ ଏବଂ ଦବଦବା ଉପରେ "ପାଣ୍ଡିଆନ ପଜଲ" ଶୀର୍ଷକ ବଡ଼ ଅଧ୍ୟାୟରେ ଏହି ବହିରେ ଅଛି। 2018 ପରେ ପାଣ୍ଡିଆନଙ୍କ ପ୍ରଭାବ ଅଧିକ ବଢିଥିଲା। ପାଣ୍ଡିଆନଙ୍କ ଆବିର୍ଭାବ କେମିତି ଓ କାହିଁକି ହେଲା ? ପାଣ୍ଡିଆନ ସରକାରକୁ କେମିତି ଅକ୍ତିଆର କରିଥିଲେ?

ନବୀନ ପଟ୍ଟନାୟକ ଏହାକୁ ଅନୁମତି କେମିତି ଦେଇଥିଲେ ? ଏହାକୁ ନେଇ ସେତେବେଳେ ବହୁତ ଚର୍ଚ୍ଚା ଓ ଆଲୋଚନା ହେଉଥିଲା । 2024 ନିର୍ବାଚନରେ ନବୀନ ହାରିବାର କାରଣ ବି ବହିରେ ଲେଖା ଅଛି । 2019ରେ ବିଜେଡିର ଇଲେକ୍ସନ୍ ରୁମ ପାଣ୍ଡିଆନ ମ୍ୟାନେଜ କରୁଥିଲେ । 2024ରେ ପାଣ୍ଡିଆନ ନିଜେ ପ୍ରଚାରରେ ବାହାରିଲେ । ଇଲେକ୍ସନ ରୁମ୍ ମ୍ୟାନେଜ କରିବା ପାଇଁ ଲୋକ ନଥିଲେ । ବହୁତ ମିସ ମ୍ୟାନେଜମେଣ୍ଟ ହେଲା । ପାଣ୍ଡିଆନ ଯେତେ ବୁଲିଲେ ବି ବିଜେଡ଼ି ଭିତରେ ତାଙ୍କୁ ବିରୋଧ କରୁଥିଲେ ନେତା । ପାଣ୍ଡିଆନଙ୍କୁ ବିଜେଡ଼ି ଲୋକ intelligent fool କହୁଥିଲେ । ସେହିପରି ନବୀନ ଓଡ଼ିଆ କହିବାକୁ ନେଇ ମଧ୍ୟ ବହିରେ ଉଲ୍ଲେଖ ରହିଛି । ନବୀନଙ୍କୁ ଓଡ଼ିଆ ଶିଖାଇବା ପାଇଁ ଜଣେ ଓଡ଼ିଆ ଶିକ୍ଷକ ରାଜ କିଶୋର ମିଶ୍ର ଯାଉଥିଲେ । କିନ୍ତୁ ନବୀନ ଓଡ଼ିଆ ଶିଖୁ ନଥିଲେ ।

ତାହେଲେ ରାଜ କିଶୋର ମିଶ୍ର ଯାଉଥିଲେ କାହିଁକି ? ବର୍ଷେ କାଳ ସେ ନବୀନ ନିବାସ ଯାଉଥିଲେ ଓ ବସୁଥିଲେ । ଏହାର ଦୁଇଟି କାରଣ ଅଛି । ପୂର୍ବରୁ ଜଣେ ବରିଷ୍ଠ ପ୍ରଶାସନିକ ଅଧିକାରୀ ନବୀନଙ୍କୁ ପଚାରିଥିଲେ, ଆପଣ କାହିଁକି ନିଜ ମାତୃଭାଷା ଶିଖୁ ନାହାନ୍ତି । ନବୀନ କହିଥିଲେ, ମୋ ମାତୃଭାଷା ଓଡ଼ିଆ କେବେ ହେଲା ? ଜ୍ଞାନ ପଟ୍ଟନାୟକ ପଞ୍ଜାବୀ ଥିଲେ । ତେଣୁ ମୋ ମାତୃଭାଷା ଓଡ଼ିଆ ନୁହେଁ ବୋଲି କହିଥିଲେ ନବୀନ । ଏ ସବୁ ସଂପର୍କରେ ବହିରେ ଉଲ୍ଲେଖ ଅଛି । ତେବେ ସାଧାରଣ ନିର୍ବାଚନ ପୂର୍ବରୁ ଅର୍ଗସ୍ ନ୍ୟୁଜକୁ ଇଣ୍ଟରଭ୍ୟୁ ଦେଇ ନବୀନ-ପାଣ୍ଡିଆନଙ୍କ ପୋଲ୍ ଖୋଲିଥିଲେ ରୁବେନ୍ ।