ଅର୍ଗସ ବ୍ୟୁରୋ: ବିଜେଡି ପରାଜୟ ପଛର କାରଣ ପାଣ୍ଡିଆନ । ଗୋଟି ଗୋଟି କରି ଗୁମର ଖୋଲିଲେ ବରିଷ୍ଠା ସାମ୍ୱାଦିକ ରୁବେନ ବାନାର୍ଜୀ । ରୁବେନଙ୍କ ବାଣରେ ବିଭାଜିତ ହେଉଛି ବିଜେଡି । ବିଜେଡି ପରାଜୟ ପଛରେ ପାଣ୍ଡିଆନଙ୍କ ଭୂମିକା ବିଷୟରେ ଲେଖିଲେ ବରିଷ୍ଠ ସାମ୍ବାଦିକ ରୁବେନ ବାନାର୍ଜି । ଆଉ କିଛି କ୍ରିତଦାସିଆ ମନୋବୃତ୍ତିର ନେତାଙ୍କ ଦେହରେ ଲାଗିଛି କଣ୍ଟା । ଦଳର ଉପନେତା ତଥା ପ୍ରତିଷ୍ଠାତା ସଦସ୍ୟ ପ୍ରସନ୍ନ ଆଚାର୍ଯ୍ୟ ରୁବେନଙ୍କ ଲେଖାରେ ସତ୍ୟତା ଥିବା କହି ସ୍ବୀକୃତି ଦେଇଥିବାବେଳେ, ପାଣ୍ଡିଆନଙ୍କ କଥାରେ ରୁବେନଙ୍କୁ କାଉଣ୍ଟର କରିବାକୁ ସାମ୍ନାକୁ ଆସିଲେ ବିଧାୟକ ଅରୁଣ ସାହୁ । ଯାହାର ଜବାବରେ ରୁବେନ କହିଛନ୍ତି- ଅରୁଣଙ୍କ ବୟାନ ପ୍ରମାଣିତ କରୁଛି ପାର୍ଟିରେ ଏବେ ବି ପାଣ୍ଡିଆନ୍ ପାୱାରଫୁଲ୍ ।

ତେବେ ଏ ସବୁ ପ୍ରସଙ୍ଗର ମୁଖ୍ୟ କାରଣ ହେଉଛି ଏହି ବହି । "Pandian Puzzle"....ନବୀନ ପଟ୍ଟନାୟକ...the authoritative biography... revised after 2024 elections" ରୁବେନ ବାନାର୍ଜୀଙ୍କ ଏହି ଅଧ୍ୟାୟ ପାଣ୍ଡିଆନ ରହସ୍ୟକୁ ଅନେକ ମାତ୍ରାରେ ସାର୍ବଜନୀନ କରିଛି । 2018 ପରେ ପାଣ୍ଡିଆନଙ୍କ ପ୍ରଭାବ କେମିତି ବଢିଥିଲା । ନିର୍ବାଚନ ବେଳେ ପାଣ୍ଡିଆନ ଯେତେ ବୁଲିଲେ ବି ବିଜେଡ଼ି ଭିତରେ ତାଙ୍କୁ କିପରି ନେତା ବିରୋଧ କରୁଥିଲେ। ଏମିତି ବିଜେଡି ନେତାଏ ପାଣ୍ଡିଆନଙ୍କୁ intelligent fool କହୁଥିଲେ । ଶେଷରେ 2024 ନିର୍ବାଚନରେ ନବୀନ ହାରିବାର ଅନ୍ୟତମ କାରଣ ଥିଲେ ପାଣ୍ଡିଆନ । 2019ରେ ବିଜେଡିର ଇଲେକ୍ସନ ରୁମ ପାଣ୍ଡିଆନ ମ୍ୟାନେଜ କରୁଥିଲେ । 2024ରେ ପାଣ୍ଡିଆନ ନିଜେ ପ୍ରଚାରରେ ବାହାରିଲେ । ଇଲେକ୍ସନ ରୁମ୍ ମ୍ୟାନେଜ କରିବା ପାଇଁ ଲୋକ ନଥିଲେ । ଜଣେ ଆଇପିଏସ ଅଫିସର ଓ ଅନ୍ୟ ଅଧିକାରୀ ମାନେ ତୃଣମୂଳ ସ୍ତରରେ ଲୋକଙ୍କ ମତ ପରିବର୍ତ୍ତନ ଓ ଟଙ୍କା ବଣ୍ଟା ହିସାବକୁ ଠିକ୍ ଭାବେ ମ୍ୟାନେଜ କରିପାରିଲେ ନାହିଁ । ସବୁ ଏହି ବହିରେ ଗୋଟି ଗୋଟି କରି ଉଲ୍ଲେଖ କରିଛନ୍ତି ରୁବେନ ।

ସାଧାରଣ ନିର୍ବାଚନ ସମୟରେ ପାଣ୍ଡିଆନଙ୍କ ପାଇଁ ବିଜେଡିର ନେତା ମନ୍ତ୍ରୀ ଟେଣ୍ଟ ବନ୍ଧାଠୁ ନେଇ ଟ୍ରାଫିକ୍ ଜଗୁଆଳି ସାଜୁଥିଲେ । ଏପରିକି ତାଙ୍କ କ୍ରୀତଦାସ ବୋଲି ଅତି ଗର୍ବର ସହକାରେ କିଛି ନେତା ନିଜକୁ ପ୍ରତିପାତିଦ କରୁଥିଲେ । ହେଲେ ସବୁ ହେଲା ବୁମେରାଂ । ଶେଷରେ ପାଣ୍ଡିଆନ୍ ଙ୍କୁ ଜୋରଦାର ବିରୋଧ କଲେ ପୁରୁଖା ନେତା ତଥା ପ୍ରତିଷ୍ଠାତା ସଦସ୍ୟ । ଯାହା ପରେ ସନ୍ୟାସ ନେବା ନାଁରେ ପୁଣି ଥରେ ନବୀନଙ୍କ ପଛରେ ରହି ଦଳ ଚଳାଉଥିବା ପାଣ୍ଡିଆନ୍ ଙ୍କ ଅସଲ ମୁଖା ରୁବେନ ଖୋଲିବା ପରେ ସେହିଭଳି କିଛି କ୍ରୀତଦାସିଆ ନେତାଙ୍କ ଦେହରେ କଣ୍ଟା ଭଳି ଫୋଡି ହୋଇଥିବା କୁହାଯାଉଛି ।