ଗାଁକୁ ନାହିଁ ପକ୍କା ରାସ୍ତା, କାଦୁଅ ପଚପଚ ରାସ୍ତା ହିଁ ଏକ ମାତ୍ର ଭରସା l ଗଜପତି ମୋହନା ବ୍ଲକ ଅନ୍ତର୍ଗତ ଅଡବା ଗ୍ରାମପଞ୍ଚାୟତର ନାଡାମା ଗାଁ ଓ ଡ଼ମ୍ବଗୁଡ଼ା ପଞ୍ଚାୟତ ବୁଲେଇପଦା ଓ କଣ୍ଟାହୁରୁ ଗ୍ରାମ କୁ ସଂଯୋଗ କରୁଥିବା ମୁଖ୍ୟ ରାସ୍ତା । ଅଞ୍ଚଳର ଶତାଧିକ ଆଦିବାସୀ ପରିବାରର ଲୋକେ ଏହି ରାସ୍ତା ଉପରେ ନିର୍ଭରଶୀଳ l ମାତ୍ର ଗାଁକୁ ଭଲ ରାସ୍ତା ନ ଥିବାରୁ ଏହି ମାଟି ଓ କାଦୁଅ ପଚପଚ ରାସ୍ତା ହିଁ ଗ୍ରାମବାସୀଙ୍କ ସାହାଭରସା l ଗାଁଠାରୁ ମୂଖ୍ୟ ରାସ୍ତାକୁ ଯିବାକୁ ହେଲେ ପ୍ରାୟ 5 କିଲୋମିଟର ଯିବାକୁ ପଡେ l ଖରା ଦିନେ କଷ୍ଟେମଷ୍ଟେ କଚ୍ଚା ରାସ୍ତାରେ କାମ ଚଳି ଯାଉଥିବା ବେଳେ ବର୍ଷା ଦିନେ ରାସ୍ତାର ଅବସ୍ଥା ଅତି ଶୋଚନୀୟ ହୋଇ ପଡୁଛି ।

ଗାଁରେ ପାନୀୟ ଜଳ ଯୋଗାଣ ବ୍ୟବସ୍ଥା ନଥିବା ସହ ସମାନ । ଖରା ଦିନେ ଜଳ ଅଭାବ ଚିନ୍ତାର କାରଣ ସାଜିଥିବା ବେଳେ ବର୍ଷା ଦିନେ ଗୋଳିଆ ପାଣି ବଢାଇଛି ଚିନ୍ତା । ସେଭଳି ଆବାସ ଆଜିବି ଏଠି ଅପହଞ୍ଚ । ଘରେ ଟିଣଛପର ପକାଇ ରହୁଛନ୍ତି ଗ୍ରାମବାସୀ। ରାସ୍ତା ନଥିବାରୁ ଆବାସ ଘର ଗାଁରେ ପହଞ୍ଚି ପାରୁନଥିବା ଅଭିଯୋଗ ହୋଇଛି।
ଦୀର୍ଘ ଚବିଶ ବର୍ଷରେ ବିକାଶ ଦେଖି ପାରିଲାନି ଏହି ଅଞ୍ଚଳ । ରାସ୍ତା ପାଇଁ ଗ୍ରାମବାସୀ ସ୍ଥାନୀୟ ସରପଞ୍ଚଙ୍କୁ ଜଣାଇଥିଲେ ମଧ୍ୟ ସିସି ରୋଡଟିଏ ହୋଇ ପାରିନାହିଁ। ଫଳରେ ଯାତାୟତରେ ସମସ୍ୟା ବୋଗୁଛନ୍ତି ଅଞ୍ଚଳବାସୀ।