Salia Sahi / ସାଲିଆ ସାହିରେ ଅବକାରୀ ବିଭାଗର ବଡ଼ ଧରଣର ରେଡ୍

ଆକ୍ସନ ମୋଡ଼ରେ ଅବକାରୀ ବିଭାଗ । ସାଲିଆ ସାହିରେ ଅବକାରୀ ବିଭାଗର ବଡ଼ ଧରଣର ରେଡ । ଚୋରା ଦେଶୀ ମଦ ଭାଟି ଉପରେ ରେଡ କରୁଛି ଅବକାରୀ ବିଭାଗ । ଚଢାଉ ବେଳେ ପୁଳା ପୁଳା ବିଦେଶୀ ମଦ ଓ ପୋଚ ଜବତ । ସକାଳୁ ସକାଳୁ ସାଲିଆ ସାହିକୁ ଘେରିଗଲା ଅବକାରୀ ବିଭାଗ । କେହି କିଛି ବୁଝିବା ଆଗରୁ ଅଚାନକ ହେଲା ରେଡ । ୬ଟି ଜାଗାରେ ତିଆରି ହୋଇଥିବା ଦେଶୀ ମଦ ଭାଟି କୁ ଭାଙ୍ଗିଲା ଅବକାରୀ ବିଭାଗର ସ୍ୱତନ୍ତ୍ର ଟିମ ।

ମାପଦଣ୍ଡ ଆଗରେ ବଡ଼ ବଡ଼ ଇଞ୍ଜିନିୟର ବି ହାରିଯିବେ। ମଦର ମାନ ନିର୍ଦ୍ଧାରଣ ପାଇଁ ମାଫିଆଙ୍କ ଘରେ ଥିଲା ମାପଦଣ୍ଡ । ବାହାରକୁ ହଜାର ହଜାର ଲିଟର ମଦ ସପ୍ଲାଏ ହେଉଥିବା ଖବର ପାଇ ଭୁବନେଶ୍ୱର ସାଲିଆସାହିର ନୟାଗଡ଼ ବସ୍ତିରେ ଚଢ଼ାଉ କରିଥିଲା ଅବକାରୀ ବିଭାଗ । ଆଉ ତା ପରେ ମଦରେ ଭାସୁଛି ବସ୍ତି ।

୬ ଟି ସ୍ଥାନରେ ମାରଥନ ଚଢ଼ାଉ ବେଳେ ଜବତ ହୋଇଛି ୬ ହଜାର ଲିଟର ପୋଚ, ୧ ହଜାର ଲିଟର ଦେଶୀ ମଦ । ୪ ଜଣଙ୍କୁ ଅଟକ ରଖି ଛାନଭିନ ଚଳାଇଛି ଭୁବନେଶ୍ୱର ଅବକାରୀ ଟିମ । ତେବେ ଏ ଘଟଣ ନୁଆଁ ନୁହେଁ ଦୁଇ ମାସ ତଳେ ଠିକ ସମାନ ଢଙ୍ଗରେ 'ଅପରେସନ ପ୍ରହାର'ରେ ନିଶା ବେପାରକୁ କେନ୍ଦ୍ରକରି ସାଲିଆ ସାହିରେ ଭଙ୍ଗାଯାଇଥିଲା ମାଫିଆର ଘର । ବହିଥିଲା ମଦ ର ବନ୍ୟା । ଏବେ ପ୍ରତି ମାସରେ ଚଢାଉ ହେଉଥିବା ଅବକାରୀ ଟିମ୍ କହୁଥିବା ବେଳେ ଏହା ସତ୍ତ୍ବେ କେମିତି ଚାଲିଛି ଏଭଳି ବେଆଇନ ମଦ ଭାଟି, ତାକୁ ନେଇ ସାଧାରଣରେ ଉଠିଛି ପ୍ରଶ୍ନ ।