ଅର୍ଗସ ବ୍ୟୁରୋ: ସଭା ମଂଚରେ  ଭୋଟର ଭାଇଙ୍କୁ ସାହୁକାର କହିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଖାଲି ସାହୁକାର ନୁହେଁ ବରଂ ଲୋକଙ୍କ ସେବା କରିବାକୁ ସେ ସାନ ହଳିଆ ଆଉ ମୋଦି ବଡ ହଳିଆ ହୋଇ ରହିବେ ବୋଲି କହିଥିଲେ । ସମ୍ବଲପୁର ଲୋକସଭା ଆସନରୁ ବିଜେପି ତାଙ୍କୁ ପ୍ରାର୍ଥୀ କରିବା ପରେ ଗାଁରୁ ଗାଁ...ବୁଲି ଲୋକଙ୍କ ସମସ୍ୟା କଣ ରହିଯାଇଛି ସେନେଇ ତଦାରଖ କରୁଛନ୍ତି । ହେଲେ ଜଣେ କେନ୍ଦ୍ରମନ୍ତ୍ରୀ ହେବା ପରେ ବି କେମିତି ନିଜକୁ ହଳିଆ କହିବାକୁ ପଛାଇଲେନି ତାହାକୁ ନେଇ ଚର୍ଚ୍ଚା ଜୋର ।

ଧର୍ମେନ୍ଦ୍ର ପ୍ରଧାନ । ୧୦ ବର୍ଷ ହେଲା ମୋଦିଙ୍କ ମନ୍ତ୍ରୀମଣ୍ଡଳରେ ମନ୍ତ୍ରୀ ଅଛନ୍ତି । କେନ୍ଦ୍ରରେ ମନ୍ତ୍ରୀ ଥିବା ପରେ ବି, ଓଡ଼ିଶାରୁ ନିର୍ବାଚିତ ହୋଇନଥିଲେ ବି ଓଡ଼ିଆଙ୍କୁ ସେ କେତେ ମାତ୍ରାରେ ଭଲ ପାଆନ୍ତି ତାହା ଏ ଦୃଶ୍ୟ ଦେଖିବା ପରେ ବୟାନ ହେବ । କଥା ହେଲା, ନିର୍ବାଚନରେ ବିଜେଡି ନେତା ଅମକ କରିବୁ, ସମକ କରିବୁ ବୋଲି କୁହନ୍ତି । ହେଲେ କାମ କେତେ ଦୂର ହୁଏ ତାହା ଅନେକ ସମୟରେ ଆମେ ଦେଖିଛନ୍ତି । କାରଣ ପାୱାର ଲାଗି ବିଜେଡି ନେତା କେତେବେଳେ ନିଜକୁ ନବୀନଙ୍କ କ୍ରୀତଦାସ କହୁଛନ୍ତି ତ ଆଉ କେତେବେଳେ ନବୀନଙ୍କୁ ଜଗନ୍ନାଥ କୁହନ୍ତି...

କଥାରେ ଅଛି ଯାହାର ନଥିବ ଗତି ସେ କରିବ ରାଜନୀତି । ଥରେ ରାଜନୀତି ୧୪ ପୁରୁଷ ଯାଏଁ ସଂପତ୍ତି । କଥା ହେଲା ଧର୍ମେନ୍ଦ୍ର ଏବେ ଓଡ଼ିଶାରୁ ବିଜୟ ନହେବା ପରେ ବି ରାଜ୍ୟର ବିକାଶର ଗାଡି କେମିତି ଘାଏଁ ଘାଏଁ ଗଡିବ ସେନେଇ ଚିନ୍ତା କରୁଛନ୍ତି...ପ୍ରାର୍ଥୀ ହେବା ପରେ ମୋଦିଙ୍କର କାମର ତଥ୍ୟ ଦେଇ ଭୋଟ୍‌ ମାଗୁଛନ୍ତି । ହେଲେ ସେହି ସମୟରେ ବବି ମୁଖ୍ୟମନ୍ତ୍ରୀଙ୍କ ଦ୍ଵାହି ଦେଇ ଭୋଟ୍‌ ଭିକ୍ଷା କରୁଛନ୍ତି । ଏଠି ପ୍ରଶ୍ନ, ୨୪ ବର୍ଷର ସ୍ଥାୟୀ ସରକାର, ସ୍ଥାୟୀ ମୁଖ୍ୟମନ୍ତ୍ରୀ । ହେଲେ ଆଜି ବି ସମ୍ବଲପୁର ପରି ସହରରେ ପିଇବା ପାଣି ସମସ୍ୟା ସାଙ୍ଘାତିକ ହେଲାଣି । ମହାନଦୀ କୂଳରେ ସହର ହେଲେ ପାଣି ଲାଗି ବ୍ୟବସ୍ଥା କିଛି ନାହିଁ ।  କେବଳ ଏତିକି ନୁହେଁ ବରଂ ରାଜ୍ୟ ସରକାର କେମିତି ମାଛକୁଣ୍ଡକୁ ରାଜସ୍ଵ ମ୍ୟାପରୁ ହଟାଇବା, ହୀରାକୁଦ ଅଞ୍ଚଳରେ ପାନୀୟ ଜଳର ସମସ୍ୟା ଆଦି ଅନେକ ସମସ୍ୟା କଥା କହିବା ସହ ସାଧାରଣ ଲୋକଙ୍କ ସାମ୍ନାକୁ ସବୁ ତଥ୍ୟ ଆଣୁଛନ୍ତି । ହେଲେ ରାଜ୍ୟ ସରକାର କେବଳ ପ୍ରତିଶ୍ରୁତି ଓ ପ୍ରତାରଣାରେ ବିଶ୍ଵାସ କରି କାମ କରୁଛି । ଯାହାର ଉଚିତ୍‌ ଜବାବ ଆଗାମୀ ନିର୍ବାଚନରେ ସାଧାରଣ ଜନତା ହିଁ ଦେବେ ବୋଲି କୁହାଯାଉଛି ।