ସମ୍ଵଲପୁର ସହରରେ ଗଡ଼ିବ E - ବସ୍ । ଶବ୍ଦ, ଧୂଆଁ ପ୍ରଦୂଷଣରୁ ସହରକୁ ମିଳିବ ମୁକ୍ତି । ଏଥିପାଇଁ ପ୍ରଥମ ପର୍ଯ୍ୟୟରେ କ୍ରୁଟ୍ ସଂସ୍ଥା ଅଧୀନରେ ୨୫ଟି E-ବସ୍ ସମ୍ବଲପୁର ଅଇଁଠାପାଲି ବସଷ୍ଟାଣ୍ତରେ ପହଁଚି ସାରିଛି । ମହାନଗର ନିଗମ ଅଂଚଳ ସମ୍ବଲପୁର, ହୀରାକୁଦ ଓ ବୁର୍ଲା ସହରରେ ଏହି E-ବସ୍ ଚଳାଚଳ କରିବ । ଏଥିପାଇ ୪ଟି ରୁଟ୍ ଥିବା ବେଳେ ମୋଟ ୧୫୪ଟି ଛୋଟ ବଡ଼ ଷ୍ଟେସନ ସଂଯୋଗ କରିବ । ଏଥିପାଇଁ ଖୁବଶୀଘ୍ର ଭୁବନେଶ୍ଵରରୁ ଏକ ଟିମ୍ ସମ୍ବଲପୁରରେ ପହଞ୍ଚି ଜିଲ୍ଲା ପ୍ରଶାସନ, ମହାନଗର ନିଗମ କର୍ତ୍ତୃପକ୍ଷ ଓ ସହରବାସୀଙ୍କ ସହ ଆଲୋଚନ କରି ରୋଡ଼ ମ୍ୟାପ୍ ପ୍ରସ୍ତୁତ କରିବ।

ସେପଟେ E-ବସ୍ ପାଇଁ ଅଇଠାପାଲି ବସଷ୍ଟାଣ୍ତରେ ୫ଟି ଚାର୍ଜିଂ ମେସିନ ସ୍ଥାପନ କରାଯାଉଥିବା ନେଇ ସମ୍ବଲପୁର ମହାନଗର ନିଗମ କମିଶନର ସୂଚନା ଦେଇଛନ୍ତି । ପ୍ରଥମ ପର୍ଯ୍ୟୟରେ ରାଜ୍ୟ ସରକାରଙ୍କ ପକ୍ଷରୁ ୨୫ ଟି ଇ-ଵସ୍ ଯୋଗାଇ ଦିଆଯାଇଛି । ଦ୍ବିତୀୟ ପର୍ଯ୍ୟୟରେ କେନ୍ଦ୍ରସରକାରଙ୍କ ପକ୍ଷରୁ ୫୦ଟି PM ଇ-ବସ୍ ଆସିବା ନେଇ ସୂଚନା ରହିଛି । ଏହାଛଡ଼ା ପରେ ଆହୁରି ୨୫ଟି ବସ୍ ଆସିବ ।

ତେବେ ଆଗକୁ ସମଗ୍ର ଜିଲ୍ଲାରେ ୧୦୦ଟି ଇ - ବସ୍ ଚଳାଚଳ କରିବାର ଯୋଜନା ରହିଥିବା ବେଳେ ରାଜ୍ୟ ସରକାରଙ୍କୁ ଧନ୍ୟବାଦ ଜଣାଇଛନ୍ତି ସହରବାସୀ। ରାଜ୍ୟରେ ୬୦୦ଟି ଇ-ବସ୍ ଚାଲିବା ନେଇ ସରକାର କରିଛନ୍ତି ଘୋଷଣା । ଏହି ପରିପ୍ରେକ୍ଷୀରେ ସମ୍ବଲପୁର ଜିଲ୍ଲା ପ୍ରଥମେ ସାମିଲ ହୋଇଛି ।