ବରିଷ୍ଠ ନେତା ତଥା ପୂର୍ବତନ କେନ୍ଦ୍ରମନ୍ତ୍ରୀ ଡା. ଦେବେନ୍ଦ୍ର ପ୍ରଧାନଙ୍କୁ ଆନ୍ତର୍ଜାତୀୟ ସ୍ୟାଣ୍ଡ ଅନିମେଟର ମାନସ ସାହୁଙ୍କ ଶ୍ରଦ୍ଧାଞ୍ଜଳି । ସ୍ୱର୍ଗତ ଡାକ୍ତର ଦେବେନ୍ଦ୍ର ପ୍ରଧାନଙ୍କ ପାଇଁ ସ୍ୱତନ୍ତ୍ର ଭାବେ ଏକ ସ୍ୟାଣ୍ଡ ଅନିମେସନ୍ ଭିଡିଓ ପ୍ରସ୍ତୁତ କରିଛନ୍ତି ମାନସ । ଆଉ ସେହି ଏକ ମିନିଟ୍ ୩୦ ସେକେଣ୍ଡର ଭିଡିଓରେ ପୂର୍ବତନ କେନ୍ଦ୍ରମନ୍ତ୍ରୀ ଡାକ୍ତର ଦେବେନ୍ଦ୍ର ପ୍ରଧାନଙ୍କୁ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।

#WATCH | Puri, Odisha: Sand artist Manas Kumar Sahoo created a sand art of Debendra Pradhan, former Union Minister and paid tribute to him

Dr Debendra Pradhan passed away on March 17, 2025 in New Delhi at the age of 84.

(Source: Sand artist Manas Kumar Sahoo) pic.twitter.com/unyvC2GiOz
— ANI (@ANI) March 24, 2025

କେନ୍ଦ୍ରଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପୂଜ୍ୟ ପିତା ପୂର୍ବତନ କେନ୍ଦ୍ରମନ୍ତ୍ରୀ ଦେବେନ୍ଦ୍ର ପ୍ରଧାନଙ୍କର ନିଧନ ସମଗ୍ର ଦେଶ ପାଇଁ ଅପୂରଣୀୟ କ୍ଷତି । ତାଙ୍କ ବିୟୋଗରେ ଓଡ଼ିଶା ଏବଂ ଦେଶ ଜଣେ ଭଲ ନେତାଙ୍କୁ ହରାଇଲା । ଡ଼ା. ପ୍ରଧାନ ତାଙ୍କ ଜୀବନରେ ଓଡ଼ିଶା ଏବଂ ଭାରତବର୍ଷରେ ଅନେକ ବିକାଶମୂଳକ କାମ କରିଛନ୍ତି । ସେ ଦେଖାଇଥିବା ରାସ୍ତାରେ ଯାଇ ତାଙ୍କର ସୁପୁତ୍ର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପିତାଙ୍କ ସ୍ୱପ୍ନ ପୂରଣ କରିବେ ବୋଲି ଦେଶର ଅନେକ ବରିଷ୍ଠ ନେତା କହିଛନ୍ତି ।

ଅନ୍ୟପଟେ ଆଜି ତାଳଚେର ସ୍ଥିତ ହାଣ୍ଡିଧୂଆଁ ବାସଭବନରେ ଅନେକ ରାଷ୍ଟ୍ରୀୟ ସ୍ତରର ନେତୃତ୍ୱଙ୍କ ସମେତ ଛତିଶଗଡ଼, ହରିୟାଣା, ବିହାରର ଅନେକ ମନ୍ତ୍ରୀ ସମୂହ, ବିଭିନ୍ନ ରାଜ୍ୟର ପୂର୍ବତନ ମନ୍ତ୍ରୀ, ସାଂସଦ, ଜନପ୍ରତିନିଧି ଏବଂ ବିଭିନ୍ନ ବର୍ଗର ବ୍ୟକ୍ତି ବିଶେଷମାନେ ଶ୍ରଦ୍ଧାଞ୍ଜଳି ଜଣାଇଛନ୍ତି । ଏହି ଅବସରରେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟିବା ସହ ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି ।

Argus News | argus news | -Argusnews Home: Odisha Latest News, Breaking News, Trending News, Live TV and more